جمهور باشقانی اردوغان:"اپیدمیایا قارشی بوتون قاباقلاییجی تدبیرلری گؤردوک"

جمهور باشقانی رجب طیب اردوغان یئنی نوع کروناویروس (کووید-19) اپیدمیاسینا قارشی موباریزه ایله علاقه‌دار، بیر دؤولت اولا‌راق بوتون قاباقلاییجی تدبیرلری گؤردوک‌لرینی بیلدیریب.

جمهور باشقانی اردوغان آچیقلاماسیندا تورکیه-‌نین سون 18 ایلده اساس خیدمت ساحه‌لرینده یاشادیغی دییشیک‌لیک و دؤنوش سایه‌سینده "کووید-19" اپیدمیاسینا قارشی موباریزه‌ده ان حاضرلیق‌لی اؤلکه‌لردن بیری اولدوغونو دئییب.

اردوغان همچنین قئید ائدیب کی، 165 مین حکیم، 205 مین طب باجی‌سی اولماقلا، 490 مین ساغلیق و 360 مین دستک ایشچی‌سی اولان بؤیوک بیر ساغلیق اردوسونا صاحیبیک. هئچ بیر ویروس، هئچ بیر اپیدمیا تورکیه-‌دن گوج‌لو دئییل. قلوبال اپیدمیایا چئوریلمیش کروناویروسا قارشی اؤلکه‌جه میللی موباریزدییک. دؤولت اولا‌راق بوتون قاباقلاییجی تدبیرلری حیاتا کئچیریریک، میللتیمیزین ساغلام‌لیغینی تهلوکه آلتیندا ساخلایان اپیدمیایا قارشی ایمکان‌لاریمیزی سفربر ائدیریک.