میللی مدافعه ناظیری حولوصی آکارین ناتو-یا چاغیریشی
میللی مودافعه ناظیری حولوصی سوریه رژیمینین ادلیبدکی هوجوملاری قارشیسیندا ناتو-نو کونکرت دستک وئرمهیه چاغیریب.
میللی مودافعه ناظیری حولوصی آکار سوریه رژیمینین ادلیبدکی هوجوملاری قارشیسیندا ناتو-نو کونکرت دستک وئرمهیه چاغیریب.
آکار " آسوشیتدپرس" خبر آژانسینا ادلیب-ده یاشانان حادثهلرله علاقهدار بیانات وئریب.
آکار اسد رژیمی موشاهیده و یا حربی نقطهلره قارشی هوجوم ائدجگی تقدیرده تورک عسگرلرینه داها گوجلو قصاص آلینماسی اوچون تعلیمات وئریلدیگینی بیلدیرهرک دئییب:
"بیر شئی اولارسا جاواب وئریلهجک. دفعهلرله دئمیشیک کی، شخصی هئیتیمیزی و عسگرلریمیزی (ادلیبدکی موشاهیده منطقهلری) اورادان گئری چکمهیهجییک. اونلار وظیفهلرینی داوام ائتدیرهجکلر".
آکار تورکیه-نین ادلیبدکی 12 موشاهیده نقطهسیندن هئچ بیرینی بوشالتمایاجاغینی وورغولایاراق، تورک عسگرلرینین سوریه-نین حربی نقطهلره هوجوملارینا قارشی لازیملی جاوابی وئرجگی موضوع سوندا خبردارلیق ائدیب.
روسیانین رژیم قوهلرینین اولجهدن راضیلاشدیریلمیش آتشکس راضیلاشماسینداکی (2018-سوچی راضیلاشماسی) خطیندن گئری چکیلمهسی و حتی استراتژی اهمیته مالیک اولان قورو یولونو (M5) ترک ائتمه سی اوچون اؤز تاثیرینی گؤسترمهسینی ایستهدیکلرینی ایفاده ائدیب.
حولوصی آکار "رژیم عنصورلارینین (M5) اتوبان یندان درحال چکیلمهسینی ایستهدیک و بونو ایستهمکده داوام ائدجییک. "روسیادان ایستییریک کی، بو رژیم هوجوملاری درحال دایاندیرسین، آتشکسی تامین ائتسین و نتیجهده اینسانلارین ائولرینه و تورپاقلارینا قاییتمالارینی تامین ائتسین. تورکیه-نین ادلیبدکی مقصدینین سوچی راضیلاماسینی دستکلمک و بیر کؤچ دالغاسینی قارشیسینی آلماقدیر" ایفادهسینی ایشلدیب.
ایلگیلیلی خبرلر
جمهور باشقانی اردوغان و قاسیم جومرت توکایئو آراسیندا تلفون دانیشیغی اولوب
تورکیه پرزیدنتی رجب طیب اردوغان قازاخیستان پرزیدنتی قاسیم جومرت توکایئوله تلفون علاقهسی ساخلاییب.