جمهور باشقانی اردوغان دان یئرلی و میللی وورغوسو

پرزیدنت رجب طیب اردوغان یئرلی اوره تیم اولان "بوزدوغان" راکتی‌نین 2020-جی ایلده اینوانتره داخیل اولاجاغینی سؤیله‌ییب.

پرزیدنت و عدالت و اینکیشاف پارتیسی‌نین صدری اردوغان پارتیسی‌نین تورکیه بؤیوک میللت مجلیسینده کی قروپ ییغینجاغیندا چیخیش ائدیب.

اردوغان چیخیشیندا مودافعه صنایع سینده میللی اوره تیمه وورغو ائده‌رک دئییب: "میللی راکت "بوزدوغان" ایلک کووردیناسیونلو آتیش سیناغینی اوغورلا تاماملادی. راکت 2020-جی ایلده سیناق آتیش‌لاری‌نین تاماملانماسیندان سونرا تورکیه سلاح‌لی قوه‌لری‌نین اینوانترینه داخیل اولا‌جاق. دونیادا ساده‌جه 9 اؤلکه‌نین بوراخدیغی هاوا‌دان-هاوایا راکت، میللی محاربه طیاره‌لریمیزه و "اف-16"لارا قوراش‌دیریلا‌جاق".

ایقتیصادیات‌داکی اینکیشاف و تورک لیره‌سی‌نین گوجلندیگینه ده دقت چکن اردوغان "دو‌لاردان ایستیفاده ائتمه‌ین، اؤز پول واحیدیمیزدن ایستیفاده ائدیین. تورک لیره‌سی گوجلنیب. میللی، یئرلی اولدوغوموزو بورادا دا گؤسترین" دئیه سؤیله‌ییب.