"سیزین کورد دئدیگینیز پ‌کاکادیر"
اردوغان: مظلوم کوبانی کد آدلی تروریست، بؤلوجو ترور هؤرگوتو پ‌کاکا چته‌باشینین معنوی اوشاغی
پرزیدنت رجب طیب اردوغان، آمریکا بیرلشمیش دؤولتلری پرزیدنتی دونالد ترامپ دا داخیل بعضی یئتکی‌لیلرین کورد دئیه تانیملدیغی قروپون اصلین‌ده بؤلوجو ترور هؤرگوتو پ‌کاکا اولدوغونو وورغولادی.
اردوغان، ایش سفری اوچون گئتدیگی آمریکا بیرلشمیش دؤولتلرینده، پرزیدنت دونالد ترامپ ایله باش باشا و هیاتلر آراسی گؤروشمه‌لرینین آردین‌دان، بعضی جمهوریتچی سناتور دا قاتیلدیغی بیر توپلانتی گرچکلشدیردی.
اردوغان بورادا بیر سوال اوزرینه، کوردلری قارداش اولاراق گؤره‌ن تورکییه‌نین ان چوخ کورد جمعیتینه صاحب اؤلکه اولدوغونو، اسکی آمریکا بیرلشمیش دؤولتلری باشقانی باراک اوباما دؤورون‌ده سوریه‌دن تورکییه‌یه ۳۵۰ مین کوردون کؤچ ائتدیگینی وورغولایاراق،
"سیزین کورد دئدیگینیز ایسه پ‌کاکا-پید-یپگ. بونلار ترور هؤرگوتو" دئدی. پرزیدنت، (ترامپین داها اؤنجه ژنرال دئیه سؤز ائتدیگی) مظلوم کوبانی کد آدلی تروریستین، بؤلوجو ترور هؤرگوتو پ‌کاکانین چته‌باشینین معنوی اوشاغی اولدوغونو دا قید ائتدی.
اردوغان، سوریه سرحدین‌ده قورولماسی پلانلانان گوونلی بؤلگه‌یه ۶ آی ایله ۲ ایلده ۱ میلیون سیغینماچینین یئرلشدیریلمه‌سی اوچون پلان/پروژه‌لرینین حاضر اولدوغونو قید ائتدی.
آردین‌دان اردوغان و ترامپ، اورتاق مطبوعات کنفرانسینا گئچدی.
ایلگیلی‌لی خبرلر
هاکان فیدان آوروپا اؤلکه‌لرینی فیلیسطینی تانیماغا چاغیریب
خاریجی ایشلر ناظیری هاکان فیدان آوروپا اؤلکه‌لرینی فیلیسطینی دؤولت کیمی تانیماغا چاغیریب.
