تورکیه-دن امریکا-یا اعتراض
تورکیه امریکا خاریجی ایشلر ناظیرلیگینین 2018-جی ایله دایر ترور راپورونون "امریکان قوروملارینین حقوقلا اوست-اوسته دوشمهین موضع لرینین اوزرینی اؤرت-باسدیر ائتمه جهدی" اولدوغونو بیلدیردی.
تورکیه امریکا خاریجی ایشلر ناظیرلیگینین 2018-جی ایله دایر ترور راپورونون "امریکان قوروملارینین حقوقلا اوست-اوسته دوشمهین موضع لرینین اوزرینی اؤرت-باسدیر ائتمه جهدی" اولدوغونو بیلدیردی.
خاریجی ایشلر ناظیرلیگینین مطبوعات کاتیبی حامی آکسوی امریکا خاریجی ایشلر ناظیرلیگینین 2018-جی ایله دایر ترور راپورو حاقیندا سورغویا جاواب وئررکن بو بارهده بیلدیریب.
حامی آکسوی دئییب کی، امریکا خاریجی ایشلر ناظیرلیگینین 2018-جی ایله دایر تروریزم راپوروندا عکس اولونوب کی، "خاریجی ترور تشکیلاتی" اولاراق سیاهییا آلینان پ.کا.کا 2015-2018-جی ایللرده تورکیه-ده 1200-دن چوخ وطنداش، پولیس و عسگرین قتله یئتیریلمهسینه مسئولیت داشیییر. ی.پ.گ-نین آدینین چکیلمهمهسی، بونون یئرینه "پ.کا.کا-نین سوریه-ده کی قولو" ایفادهسینین ایشله دیلمه سی بو ترور تشکیلاتی ایله امکداشلیغی گیزلتمهین امریکا حاکمیتینین حقوقلا اوست-اوسته دوشمهین موضع لرینی اؤرت-باسدیر ائتمه جهدیدیر.
حامی آکسوی دئییب کی، دیگر طرفدن، راپوردا تورکیه-نی هدف آلان ترور تشکیلاتی فتو-نون "سورگونده بیر دین آدامی" اولاراق تقدیم ائدیلمهسی، 15 ژوئیه خاین دؤولت چئوریلیشینه جهدی گؤرمهمزلیک معناسی داشیییر. عینی زاماندا بونونلا امریکا صلاحیتلیلری فتو ترور تشکیلاتی باشچیسینا امریکا اراضیسینده تهلوکهسیز سیغیناجاق وئریلمهسی مسئولیتیندن قاچمیش اولورلار. 251 گوناهسیز وطنداشیمیزین شهید ائدیلدیگی و مینلرله اینسانیمیزین یارالاندیغی بو خاین 15 ژوئیه ترورو اونودولمامالیدیر، ترورا قارشی اولوسلار آراسی موباریزهده بؤیوک اهمیت داشیدیغی بیلینمهلیدیر.