فرانسا ائلچیسی باخانلیغا چاغریلدی
تورکییهنین تپکیسی، خاریجی ایشلر باخانلیغینا چاغریلان فرانسانین آنکارا ائلچیسی شارل فریسه چاتدیریلدی
فرانسانین آنکارا ائلچیسی شارل فریس، فرانسانین باریش بولاغی عملیاتی حاقیندا قبول ائتدیگی قرار سببیله دونن خاریجی ایشلر باخانلیغینا چاغریلدی.
دیپلوماتیک قایناقلاردان الده ائدیلهن بیلگییه گؤره، فرانسا پارلمانینین باریش پیناری عملیاتی قونوسوندا قبول ائتدیگی قرارا قارشی تورکییهنین تپکیسی، خاریجی ایشلر باخانلیغینا چاغریلان فرانسانین آنکارا ائلچیسی شارل فریسه چاتدیریلدی.
خاریجی ایشلر باخانلیغی، داها اؤنجه بیر یازیلی آچیقلاما ایله فرانسانین، باریش بولاغی عملیاتی حاقیندا قبول ائتدیگی قراری شدتله قینایاراق و رد ائدرک، سوریه تورپاقلاریندا بیر ترور دؤولتی قورماغا چالیشان فرانسانین، اوغرادیغی خیال قیریقلیغی نتیجهسینده بو قراری آلدیغینین چوخ یاخشی آیدین اولدوغونو بیلدیرمیشدی.
فرانسا اولوسال مجلیسی اؤنجهکی گون، تورکییهنین، گونئی سرحدینده یارادیلماغا چالیشیلان ترور دهلیزینی یوخ ائتمک، بؤلگهیه باریش و دینجلیک گتیرمک مقصدیله باشلاتدیغی باریش پیناری عملیاتینی قینایان سمبولیک قرار لایحهسینی ۱۲۱ اویلا قبول ائتمیشدی.
سوریهنین قوزئییندهکی چاتیشمالارا سون وئریلمهسی ایستهنیلهن و "فرانسانین سوریه دموکراتیک گوجلری آدینی قوللانان ترور هؤرگوتو یپگیه سونسوز دستگینی یئنهلهدیگی یازیلان لایحهده، عملیاتین، داعشین یئنیدن اورتایا چیخما ریسکینی آرتیردیغی ادعا ائدیلدی.
ایلگیلیلی خبرلر
ایستانبول هاوالیمانی ذیروهدکی یئرینی قورویور
آوروپا هاوا سیر و سفر گوونلیگی تشکیلاتینین ۱۳-۱۹ میه باغلی "آوروپا هاواچیلیق راپورو" یاییملاندی