اردوغان، ترورلا موجادله یولوندا آتیلان آددیملارین هئچ واخت دایاندیریلمایاجاغینی بیلدیریب
پرزیدنت اردوغان، ایستانبولدا، تروریزمله موباریزه و بؤلگهسل باغلانتیلیلیک موضوعسوندا 3-جی پارلامنت باشچیلاری کونفرانسیندا قونوشدو
تورکیه جمهور باشقانی رجب طیب اردوغان، ترورلا موجادله یولوندا آتیلان آددیملارین هئچ واخت دایاندیریلمایاجاغینی بیلدیریب.
پرزیدنت اردوغان، ایستانبولدا، تروریزمله موباریزه و بؤلگهسل باغلانتیلیلیک موضوعسوندا 3-جی پارلامنت باشچیلاری کونفرانسیندا قونوشدو.
سوریه و عراقدا تورک سیلاحلی گوجلری طرفیندن یئریدیلهن ترور عملیاتلارینین هئچ واخت بو اؤلکهلرین اراضی بوتؤولویو و اگمنلیک حاقلارینی ایستمهدیگنی قئید ائدن پرزیدنت،
سوریهده 3-جی گونونو گئریده بوراخان باریش پیناری عملیاتینین تورکیهدهکی سوریهلی قاچقینلارین تهلوکهسیز شکیلده اؤز ائولرینه قاییتماسینی ده وئرجگینی وورغولاییب.
موجادلهمیز "کورد قارداشلاریمیزلا دئییل، بؤلوچو ترور تشکیلاتی پ.ک.ک و اونون داوامی پ.ی.د/ی.پ.گ ایلهدیر" - دئدی.
بو موباریزهنین کیم نه دئسه دئسین دایاندیریلمایاجاغینی دئیهن اردوغان "گئری آددیم یوخ" ایفادهلرینی ایستیفاده ائتدی.
یاشادیغیمیز "چتینلیکلر مکانیمیزین طالعی دئییل، بو پیس گئدیشی دایاندیرماق الیمیزدهدیر" دئیه دانیشان پرزیدنت، باریش پیناری عملیاتینین سوریهنی پارچالاماق اوچون دئییل، بو اؤلکهده یاشایان هر کسین حقوقونو قوروماق مقصدیله آپاریلدیغینی بیر داها ایفاده ائتدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی