اردوغان: متفیقلریمیزه سوالیمیز چوخ آچیقدیر
"باریش بولاقلارینین اؤنونو آچماق واختی بلکه بو گون، بلکه یارین دئییله‌بیله‌جک قدر یاخین‌دیر"
پرزیدنت رجب طیب اردوغان، فیرات چایینین دوغوسونا قارشی عملیات پلانینین تاماملاندیغینی سؤیله‌دی.
اردوغان، پارتیسینین آنکارا قیزیلجاحامام‌داکی ۲۹.جو استشاره و دگرلندیرمه توپلانتیسیندا بو گون ائتدیگی دانیشمادا فیرات چایینین دوغوسونا قارشی عملیاتلا ایلگیلی اولاراق، حاضیرلیقلاریمیزی ائتدیک، عملیات پلانلاریمیزی تاماملادیق، لازیم اولان تعلیماتلاری وئردیک. قراری وئریله‌ن و پروسه‌سی باشلامیش اولان باریش بولاقلارینین اؤنونو آچماق واختی بلکه بو گون، بلکه یارین دئییله‌بیله‌جک قدر یاخین‌دیر. هم قورودان هم هاوادان بو عملیاتی ایجرا ائدجییک" ایفاده‌لرینی ایشلتدی.
پرزیدنت اردوغان، تورکییه‌نین فیرات چایینین دوغوسویلا ایلگیلی مخاطبلرینه هر جور اویارینی ائتدیگینی ده ایفاده ائتدی.
رجب طیب اردوغان، یئتری قدر صبیرلی داوراندیق. قورو گزیسیمیش، هاوا گزیسیمیش بوتون بونلارین حکایه اولدوغونو گؤروروک. مقصدیمیز فیراتین دوغوسونو دا، وورغو ائدیرم، باریش بولاقلارییلا سولاماقدیر" دئدی.
اردوغان، "متفیقلریمیزه سوالیمیز چوخ آچیقدیر، سیز سوریه دموکراتیک گوجو آدییلا گؤزلردن قاچیرماغا چالیشدیغینیز پ‌کاکا /یپگ‌نی ترور هؤرگوتو اولاراق تانیییرسینیز می، تانیمیرسینیز می بونو آچیقلایین؟" ایفاده‌سینی ایشلتدی.
