شانلی اورفا-یا راکت دوشدو
شانلی اورفا-نین جیلان پینار قصبه سینده ائولردن بیری‌نین دامینا راکت دوشدو.
1240671
سوریه طرفیندن آتیلدیغی نظرده توتولان ایکی راکت‌دن بیری‌نین تورکیه-نین شانلی اورفا ویلایتی‌نین جیلان پینار قصبه سینده بیر ائوین دامینا دوشمه‌سی نتیجه‌سینده بیری اوشاق 6 نفر یارالانیب.
یارا‌لانان 6 نفر آمبولانس لار ایله جیلان پینار دؤولت خسته‌خاناسینا آپاریلیب.
میللی مودافعه ناظیرلیگی راکت آتشی ایله باغلی وئردیگی بیاناتدا بیلدیریب کی، سوریه طرفیندن آتیلدیغی نظرده توتولان راکت آتش‌لرینه سرحد بؤلگه‌سیندکی آغیر سلاح‌لاریمیزلا اؤزونومودافعه چرچیوه‌سینده لازیمی جاواب وئریلمیش‌دیر. آغیر سلاح‌لارلا وئریلن بو جاواب نتیجه‌سینده سوریه طرفینده یئرلری اوولجه‌دن معین ائدیلن یئددی هدف محو ائدیلمیش‌دیر.
