ترامپ: نه‌لر اولاجاغینی گؤره‌جییک
"روسیادان موشک سیستمی آلماق مجبوریتین‌ده قالدیقلاری اوچون بو اف-۳۵لری ساتابیلمه‌یه‌جگیمیزی سؤیله‌ییریک"
آمریکا بیرلشمیش دؤولتلرینین پرزیدنتی دونالد ترامپ،
"تورکییه بیزه قارشی چوخ یاخشی. ایندی ایسه اونلارا روسیادان موشک سیستمی آلماق مجبوریتین‌ده قالدیقلاری اوچون بو اف-۳۵لری ساتابیلمه‌یه‌جگیمیزی سؤیله‌ییریک. بو دوروم اوزرین‌ده چالیشیریق، نه‌لر اولاجاغینی گؤره‌جییک" دئدی.
ترامپ، تورکییه‌نین روسیادان گئچه‌ن هفته اس-۴۰۰هاوا ساوونما سیستملرینی آلماغا باشلاماسینا دایر آغ ائودکی کابینه توپلانتیسی دانیشدی.
اسکی آمریکا بیرلشمیش دؤولتلری پرزیدنتی باراک اوباما دؤورون‌ده تورکییه‌یه پاتریوت ساتماماسینی تنقید ائد‌ن ترامپ، تورکییه‌نین بوندان دولایی روسییادان اس-۴۰۰ آلماغا یؤنلدیگینی وورغولادی.
تورکییه ایله بو باره‌ده دانیشدیقلارینی دیله گتیر‌ن ترامپ، بئله دئدی:
"آچیقچا (تورکییه ایله) یاخشی ایلیشکیلریمیز وار آنجاق بو وضعیت چوخ قاریشیق بیر وضعیت. اوباما رهبرلیگی اونلارا پاتریوت موشکلرینی ساتمادی. تورکییه بو موشکلری ساتین آلماق اوچون چوخ چالیشدی، آنجاق ساتمادیلار. بوندان سونرا تورکییه روسیادان موشکلری آلدی. بونون اوزرینه قاییدیب تورکییه‌یه سیزه پاتریوتلاری ساتاجاییق دئدیلر اما او زامان تورکییه ذاتا روسیا ایله آنلاشما ایمضالامیش و جدی بیر اؤد‌مه اولموشدو، چونکو بورادان آلمالارینا ایجازه وئریلمه‌میشدی. تورکییه بیر ناتو عضوو. ۱۰۰دن چوخ اف-۳۵ اوچون سیفاریش وئردیلر، داها چوخو اوچون ده پلانلاری وار".
تورکییه و جمهورباشقانی رجب طیب اردوغان ایله یاخشی ایلیشکی‌لری اولدوغونو بیلدیرن ترامپ،
"تورکییه بیزه قارشی چوخ یاخشی. ایندی ایسه اونلارا روسیادان موشک سیستمی آلماق مجبوریتین‌ده قالدیقلاری اوچون بو اف-۳۵لری ساتابیلمه‌دیگیمیزی دئییریک. اونلارین ایچینده اولدوغو وضعیت چوخ چتین، آمریکا بیرلشمیش دؤولتلری اولاراق بیزیم ده ایچینده اولدوغوموز وضعیت چوخ چتین. بو وضعیت اوزرین‌ده چالیشیریق، نه‌لر اولاجاغینی گؤره‌جییک" دگرلندیرمه‌سینی ائتدی.
دونالد ترامپ آیریجا بو وضعیت‌دن دولایی اف-۳۵ اوچاق‌لارینین اۆرتیچیسی لاکهید مارتینین ممنون اولمادیغینی چونکو فیرما اوچون بونون مینلرجه استخدام آنلامینا گلدیگینی بیلدیردی.
ایلگیلی‌لی خبرلر
8-جی تورکیه-آلمانیا اقتصادیات گونو کئچیریله‌جک
می‌ین 4-ده آلمانیانین دوسلدورف شهرینده 8-جی تورکیه-آلمانیا اقتصادیات گونو کئچیریله‌جک.
