تورکیه، آوروپا بیرلیگینین دوغو آغدنیز قرارلارینا اعتراض ائتدی
تورکیه، آوروپا بیرلیگینین آلدیغی قرارلارین، شرقی آغدنیزده کاربوهیدروژن فعالیت‌لرینی داوام ائتدیرمک عزمینی تأثیر ائتمیه‌جگینی بیلدیردی
تورکیه، آوروپا بیرلیگینین آلدیغی قرارلارین، دوغو آغدنیزده کاربوهیدروژن فعالیت‌لرینی داوام ائتدیرمک عزمینی تأثیر ائتمیه‌جگینی بیلدیردی.
خاریجی ایشلر باخان‌لیغی، آوروپا بیرلیگی عضوو اؤلکه‌لرین خاریجی ایشلر ناظیرلری‌نین قاتیلیمی ایله دونن بلژیک‌ین باشکندی بروکسلده کئچیریلن خاریجی علاقه‌لر شوراسی‌نین ایجلاسیندا قبول اولونان قرارلارا دایر یازی‌لی بیانات وئریب.
آچیقلامادا، " آوروپا بیرلیگی خاریجی علاقه‌لر شوراسی‌نین دونن کئچیردیگی ایجلاسدا آلدیغی قرارلار، اؤلکه‌میزین شرقی آغدنیزدکی کاربوهیدروژن فعالیتینی داوام ائتدیرمه ایستیقامتین‌دکی قطعیتینی هئچ بیر شکیلده تأثیر ائتمه‌یه‌جک. بو قرارلاردا، قیبریس آداسیندا طبیعی ثروت‌لری اوزرینده برابر حاق‌لارا مالیک قیبریس تورک‌لرین‌دن هئچ بحث ائدیلممه‌سی و قیبریس تورک‌لری یوخ ایمیش کیمی حرکت ائدیلمه‌سی، آوروپا بیرلیگی-نین قیبریس مسئله‌سینده نه قدر غیری-اوبیئکتیو و طرف‌لی اولدوغونو گؤستریر". ایفاده‌لری ایستیفاده ائدیلدی.
بو قرارلارین، روم/یونان ایکی‌سی‌نین، آوروپا بیرلیگی عضو‌لرینی اؤز ماکسیمالیست موقعیت‌لری ایستیقامتینده نئجه سوی-ایستیفاده ائتدیک‌لری‌نین و دیگر آوروپا بیرلیگی اؤلکه‌لری‌نین ده بونا نئجه آلت اولدوق‌لاری‌نین ان سون نومونه‌سی اولدوغو" وورغولانان بیاناتدا بون‌لار قئید ائدیلیب:
گئچمیشده ده دفعه‌لرجه وورغولادیغیمیز کیمی، شرقی آغدنیزدکی کاربوهیدروژن فعالیت‌لریمیزین، اؤز ساحه‌میزدکی حاق‌لاریمیزین قورونماسی و آدانین بیرگه صاحبی اولان قیبریس تورک‌لری‌نین، آدانین کاربوهیدروژن رزرولری اوزرین‌دکی برابر حاق‌لاری‌نین قورونماسی اولماق اوچون ایکی یؤنو واردیر. ایلک اؤلچوده، تورکیه‌نین قیبریس مسئله‌سی حلّ اولونما‌دان گونئی قیبریس روم یؤنتیمی ایله دنیز صلاحیت ساحه‌لرینی محدودلاش‌دیرماق اوچون دانیشیق‌لارا باشلاماسی سؤز موضوعسو دئییل. چونکی قیبریس جمهوریتی، 1963دن بری قیبریس تورک‌لرینی تمثیل ائتمدیگی اوچون، بیزیم و قیبریس تورک‌لری‌نین گؤزونده حقیقی بیر دولت دئییل".
ایکینجی اؤلچوده حلّ اولماسی ایسه آنجاق قیبریس تورک‌لری‌نین حاق‌لاری‌نین تأمینات آلتینا آلینماسی ایله مومکون اولا بیلر. بو باخیم‌دان، قیبریس تورک‌لری‌نین، 13 ژوئیه‌ده ائتدیگی و اؤلکه‌میزین ده تام دستک وئردیگی هرطرف‌لی امکداش‌لیق تکلیفی حلّ اوچون اؤنم‌لی بیر فورصت تشکیل ائدیر. آوروپا بیرلیگینین بو فورصتی دگرلن‌دیرمک و کاربوهیدروژن قایناق‌لاری مسئله‌سینده آدا‌داکی ایکی طرفی بیر آرایا گلمه‌یه تشویق ائتمک اوزینه، تورکیه علیهینه قرارلار آلماغا اوز توتماسی تاثیرسیز، رئال‌لیق‌دان قوپوق و مثبت اولمایان بیر حرکت طرزی‌دیر".
تورکیه‌نین، هم اؤز حاق‌لارینی، هم ده قیبریسلی تورک‌لرین حاق‌لارینی بون‌دان اوّل اولدوغو کیمی بون‌دان سونرا دا عزمله قوروماقدا داوام ائدجگینه ایشاره ائدیلن آچیقلامادا، تورکیه‌نین بو ایستیقامت‌دکی فعالیت‌لرینی داها دا آرتیراجاغی وورغولانمیش‌دیر.
آچیقلامادا، "بو مقامدا، قیبریس تورک‌لرینه وئردیگی وعدلری 26 آوریل 2004دن بری توتمایان آوروپا بیرلیگینین بیزه سؤیلیه‌جگی بیر سؤزو ده یوخ‌دور. بو قرارلارین، 15 ژوئیه خائین کودتا گیریشیمی‌نین اوچونجو ایلدؤنومو کیمی، تورک خالقی اوچون چوخ علامتدار بیر گونده آلینمیش اولماسی دا دیقّته لاییق‌دیر". قیمتلندیرمه‌سینی ائتدی.
آوروپا بیرلیگی خاریجی علاقه‌لر شوراسی‌نین ایجلاسی چرچیوه‌سینده یئکون بیاننامه‌سی یایینلانمیشدیر.
تورکیه‌نین شرقی آغدنیزدکی کاربوهیدروژن قایناق‌لارینا دایر فعالیت‌لری‌نین غیری-قانونی اولدوغو ساوونان بیاننامه‌ده، آوروپا بیرلیگینین بو وضعیته قارشی موختلیف قطنامه‌لر آلدیغی بیلدیریلمیشدی.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
