تورکییه لازیم اولان جاوابی وئرهجک
خاریجی ایشلر باخانلیغی، قیبریس روم یؤنتیمینین فاتیح سونداژ گمیسینین چالیشانلاری حاقیندا توتوقلاما چیخاردیغی یولونداکی خبرلرله ایلگیلی آچیقلاما وئردی
![تورکییه لازیم اولان جاوابی وئرهجک](http://cdn.trt.net.tr/images/xlarge/rectangle/1cd3/922f/6bc1/5cc2ec8b43b07.jpg?time=1718410394)
تورکییه، قیبریس روم کسیمینین قیبریس تورکلرینی یوخ سایاراق و حاقلارینی غصب ائدرک حرکت ائتمه جرعتینده اولماسی حالیندا لازیم اولان جاوابی وئرجگینی بیلدیردی.
خاریجی ایشلر باخانلیغی سؤزچوسو حامی آکسوی، قیبریس روم یؤنتیمینین فاتیح سونداژ گمیسینین چالیشانلاری حاقیندا توتوقلاما چیخاردیغی یولونداکی خبرلرله ایلگیلی آچیقلاما وئردی.
"قیبریس تورکلرینی یوخ سایاراق و حاقلارینی غصب ائدرک حرکت ائدن قیبریس روم طرفینین قراری بو حدینی آشان قراری اگر دوفرو ایسه، بیزیم اوچون هئچ بیر حؤکمو و گئچرلیلیگی اولمایاجاقدیر" ایفادهلرینی قوللانان آکسوی، بونا جرعت ائتدیکلرینده گرکلی جاوابی وئرجکلریندن کیمسهنین شبههسینین اولماماسی گرکدیگینی بیلدیردی.
قیبریس ر.م کسیمینین اؤزونه عاید اولدوغونو ادعا ائتدیگی و اولوسلارآراسی حقوقا اویغون اولاراق سینیرلاندیریلمیش بیر دنیز ساحهسی اوچون سؤزده اولوسال بیر قناعتله، بئله بیر قرار آلماسی اولوسلارآراسی حقوقا دا اویغون دئییل. بو سببله بیز ده ایلگیلی قوروملاریمیزلا بیرلیکده لازیم اولان قارشی حقوقی پروسهلری باشلاداجاییق" دئدی.
آکسوی،
"قیبریس روم کسیمینین بو جور بوش یؤنتملرله اؤز بؤلگهمیزده ائتدیگیمیز ایشلری دوردورماق چابالاری هئچ بیر نتیجه وئرمهیهجک. تورکییه هم اؤز حاقلارینی قوروماق هم ده آدانین ائشید اورتاغی اولان قیبریس تورکلرینین حاقلارینی قوروماق اوچون نفت و طبیعی گاز آختارما/سونداژ ایشلرینی پلانلاشدیریلدیغی شکیلده قرارلیلیقلا سۆردورمهیه داوام ائدجک.