"اردوغان روسیادان اس-۴۰۰ آلمایاجاق" ادعاسینا جاواب
"سئوگیلی جولیان، قایناقلارینیز خطالی، بیلگینی من‌دن آلین"
جمهورباشقانلیغی ایله‌تیشیم باشقانی پروفسور دکتر فخرالدین آلتون، آلمان ژورنالیستین تورکییه‌نین روسیادان اس-۴۰۰ آلمایاجاغی یولونداکی ایفاده‌لرینه، "اس-۴۰۰ ساتین آلما پروسه‌سی تاماملاندی" شکلینده جاواب وئردی.
آلمان بیلد قزئتینین خاریجی سیاست رداکتورو جولیان روپکه، سوسیال پایلاشیم سایتی تویتر اوزریندن پایلاشیمیندا، تورکییه‌نین روسیادان اس-۴۰۰ هاوا ساوونما سیستملرینی آلمایاجاغی یولوندا ایفاده‌لر ایشلتدی.
فخرالدین آلتون دا آلمان ژورنالیست جولیان روپکه‌نین تویتر اوزریندن یاپلاشدیغی "دیپلوماتیک قایناقلارین بیلده سؤیله‌دیگینه گؤره، پرزیدنت رجب طیب اردوغان روسیادان اس-۴۰۰ آلمایاجاق" ایفاده‌لرینه جاواب وئردی.
تویتر حسابیندان پایلاشیمیندا آلتون، "سئوگیلی جولیان، قایناقلارینیز خطالی. بیلگینی من‌دن آلین: اس-۴۰۰ ساتین آلما پروسه‌سی تاماملاندی" ایفاده‌لرینی ایشلتدی.
