اردوغان: دستک وئرهجییک
"تورکیهنی باتییا باغلایان بو مسیره بوسنی و هرزگووینین ده باغلانماسی چوخ اؤنملی"
جمهور باشقانی رجب طیب اردوغان، تورکییهنین، تورک آخیمی پروژهسینین بوسنی و هرزگووینه انتقالی اوچون هر جور دستگی وئرهجگینی سؤیلهدی.
جمهور باشقانی رجب طیب اردوغان، بوسنی و هرزگووین دؤولت باشقانلیغی شوراسی باشقانی میلوراد دودیک و شورا عضوو شفیق جعفروویچ، باشاباش و هیاتلر آراسی دانیشیقلارینین آردیندان جمهورباشقانلیغی ساراییندا اورتاق مطبوعات توپلانتیسی دۆزنلهدی.
شورا عضولری ایله اساس باشلیقلاری مذاکیره ائتدیکلرینی بیلدیرهن اردوغان،
"ایمضالادیغیمیز گۆنجللنمیش سربست تیجارت آنلاشماسی ۱ میلیارد دلارلیق تیجارت حجمینه اولاشمامیزا قاتقی وئرهجکدیر. آنلاشما نیت پروتوکولو متنینی آز اؤنجه ایمضالادیغیمیز سارایئوو-بلگراد اوتوبانی پروزهسینین ده بوسنی و هرزگووینین ثابیتلیگینه آرتان تأثیر ائدجگینه اینانیرام" دئدی.
انرژی، ساوونما صنایعی، توریزم، اکینچیلیک و حیوانچیلیق ساحهلرینده آتیلاجاق آددیملارین دا گوندملرینین اوست سیرالاریندا اولدوغونا توخونان اردوغان،
"اؤزللیکله تورک آخیمی پروژهسینین بوسنی و هرزگووینه ده انتقالی اوچون الیمیزدن گلن هر جور دستک وئرجییک" دئیه دانیشدی.
بوسنی و هرزگووین دؤولت یاشقانلیغی شوراسی باشقانی میلوراد دودیک ایسه تورکییهنین، بوسنی هرزگووینین آوروپا-آتلانتیک قوروملاری ایله بۆتونلشمهسی یولونداکی چابالارا و ناتویا عضولوک کیمی مسئلهلره دستک وئردیگینی بیلدیردی.
دودویک، بوسنی و هرزگووینین تورک آخیمی پروژهسینه داخیل اولماسینا دایر،
"تورکیهنی باتییا باغلایان بو مسیره بوسنی و هرزگووینین ده باغلانماسی چوخ اؤنملی" دئیه دانیشدی.