تورکیه شدتله قینادی
"ایسراییل اگمنلیگینی تانیما قرارینی تأسفله قارشیلاییر و شدتله قیناییریق"
تورکیه، آمریکا بیرلشمیش دؤولتلری پرزیدنتی دونالد ترامپین، جولان تپهلری اوزریندهکی ایسراییل اگمنلیگینی تانیما قرارینی شدتله قینادی.
"آمریکا رهبرلیگینین ایسراییل طرفیندن ۱۹۶۷.جی ایلدهن بو یانا ایشغال آلتیندا توتولان جولان تپهلری اوزریندهکی ایسراییل اگمنلیگینی تانیما قرارینی تأسفله قارشیلاییر و شدتله قیناییریق" دئییلدی.
آچیقلامادا، باشدا ۴۹۷ (۱۹۸۱) ساییلی بیرلشمیش میللتلر امنیت شوراسینین قراری اولماقلا، اولوسلارآراسی حقوقون قورخونج بیر پوزولماسینی تشکیل ائدن قرارین، آمریکا رهبرلیگینین اورتادوغودا چؤزومون دئییل، پروبلئمین پارچاسی اولمایا دایر توتومونو داوام ائتدیردیگینی گؤستردیگی ایفاده ائدیلدی.
آچیقلامادا بو ایفادهلره یئر وئریلدی:
"بو قرار، سوریهنین و بوتون بؤلگه اؤلکهلرینین تورپاق بوتؤولویونه اؤنم وئرن اؤلکهمیز و اولوسلارآراسی توپلومون مسئولیت صاحبی عضولری باخیمیندان تامامیله حوکومسوزدور. ایسراییلین اولوسلارآراسی حقوقا ضد سالدیریلارینی بیهوده شکیلده مشروعلاشدیرمایا چالیشاراق بؤلگهنی داها چوخ ثابتسیزلییه سوروکلهمک یئرینه، بیرلشمیش میللتلر شرطینده یازیلی تمل پرینسیپلره و بیرلشمیش میللتلر گوونلیک شوراسینین قرارلارینا رعایت ائتمک اولوسلارآراسی توپلومون بوتون عضولرینین تمل بیر مسئولیتیدیر".
آمریکا پرزیدنتی ترامپ، دونن "جولان تپهلری اوزرینده ایسراییلین اگمنلیگینی آمریکانین رسمی اولاراق تانیدیغینی" اعلان ائدن باشقانلیق قرارینا ایمضا آتمیشدی.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"