اردوغاندان گوندمه حاقیندا آچیقلامالار
تورکیه دولت باشقانی رجب طیب اردوغان یئنی زئلانداداکی ترور سالدیریسینین فردی دئییل، تام تشکیلاتلی بیر حادثه اولدوغونو دئدی
تورکیه دولت باشقانی رجب طیب اردوغان یئنی زئلانداداکی ترور سالدیریسینین فردی دئییل، تام تشکیلاتلی بیر حادثه اولدوغونو دئدی.
پرزیدنت اردوغان، اؤزل اوچ تلویزیونونون بیرگه نشرینده بیاناتلار وئردی.
جانلی یاییمدا سواللاری جوابلاندیران پرزیدنت اردوغان، یئنی زئلانددا جومه نامازی واختیندا کئچیریلن و 50 نفریناؤلدوغو ترور سالدیریسی ایله باغلی قیمت وئردی.
سالدیرینین فردی دئییل، تام تشکیلاتلی اولدوغونو قئید ائدن اردوغان، غرب دونیاسینین بو حادثه قارشیسیندا سسسیز قالماسینا اعتراض گؤستردی.
اردوغان،
(فرانساداکی) چارلی ابدو حادثهسینده بوتون دونیا آوروپادا بیر آرایا گلیب چاتدی می؟ گلدی. بس بو حادثهده آوروپانین سسی چیخدی می؟ خیر، آوروپادان هله داها بیر شئی ائشیمیش دئییلیک. غرب مئدیاسی ایشی تامامیله حیلهگرجهسینه گؤتورور. " شکلینده دانیشدی.
بو سالدیرینین جزاسی ایله باغلی آلدیغی معلوماتلاری دا بؤلوشن اردوغان،
15 ایل کیمی بیر شئیدن دانیشیرلار. یعنی 50 دنه موسلمان اورادا شهید ائدیلیر. بونلارین جزاسی ماکزیموم 15 ایل اولاجاق. بئله بیر شئی اولا بیلرمی؟ بو قبول ائدیله بیلرمی؟ ایفادهلرینی ایستیفاده ائتدی.
آچیقلاماسیندا سوریهنین عفرین بؤلگهسینین تروردان تمیزلنمهسینین ایلدؤنومونده بؤلگهده الده اولونان اوغورا دا توخونان پرزیدنت، اهمیتلی بیر تهلوکهیه دقت چکدی.
اردوغان،
اگر بیز او ترور کوریدورونو باغلامامیش اولسایدیق عفریندن و جرابلوسدان یارما حرکاتیمیزی ائتممیش اولسایدیق بو گون بیزیم گونئیمیز تامامیله بو ترورچولار طرفیندن ایشغال ائدیلمیش اولاجاقدی." دئدی.
آوروپا بیرلیگی موذاکیرهلری ایله باغلی آوروپالی مقاملاریندان گلن سون آچیقلامالاری دا دگرلندیرن پرزیدنت،
"بیزیمله دانیشیقلاری دایاندیرسالار و یا تورکیه آوروپا بیرلیگینین خاریجینه چیخاریرسالار. ائتمزلر، ائدهمزلر چونکی تورکیهیه بونلارین دا احتیاجی وار." شکلینده دانیشدی.
اردوغان، ایقتیصاددا ایشی محکم توتدوقلارینی و پروسهلرین یاخشی ایستیقامتده اولدوغونو سؤزلرینه علاوه ائدیب.
ایلگیلیلی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماسلارینی داوام ائتدیریر.