تورکیه باش ساغلیغی دیله‌دی
"بو قورخونج سالدیریلاری شدتله لعنتله‌ییریک"
تورکیه، یئنی زلانددا ائدیله‌ن ترور سالدیریسینی قینادی.
خاریجی ایشلر باخانلیغی طرفین‌دن وئریله‌ن آچیقلامادا، یئنی زلاندین کرایست‌چورچ شهرین‌ده ایکی مسجده ائدیلن سالدیریلاردا چوخ ساییدا انسانین حیاتینی ایتیرمه‌سی و یارالانماسینین درین کدرله اؤیرنیلدیگی قید ائدیلدی.
"بو قورخونج سالدیریلاری شدتله لعنتله‌ییریک" ایفاده‌سی ایشلدیلن آچیقلامادا، سالدیریلاردا حیاتلارینی ایتیره‌نلرین یاخینلارینا و یئنی زلاند خالقینا باش‌ساغ‌لیغی مئساژی چاتدیریلدی.
آچیقلامادا، بو ایفاده‌لره یئر وئریلدی: "یئنی زلاند حکومتینین، ایسلاموفوبی موتیف‌لی اولدوغو آنلاشیلان بو سالدیریلارا ایلیشکین سوروشدورمانی ائتکین شکیلده یئریده‌جگینه و فاعللری بیر آن اؤنجه عدالت اؤنونه چیخاراجاغینا اینانییریق.
بو باغلامدا، یئنی زلاند باشباخانی جاسیندا آردرنین وئرمیش اولدوغو آچیقلامانی ممنونلوقلا قارشیلیریق".
