اردوغان: نتانیاهو، سن ظالمسان، ظالم
تورکیه جمهور باشقانی رجب طیب اردوغان، اونو دیکتاتورلوقلا تنقید ائدن ایسرائیل باش ناظیری بنیامین نتاهیاهویا آغیر اعتراض گؤستردی
تورکیه جمهور باشقانی رجب طیب اردوغان، اونو دیکتاتورلوقلا تنقید ائدن ایسرائیل باش ناظیری بنیامین نتاهیاهویا آغیر اعتراض گؤستردی.
اردوغان، بئش تپه میللت کونگره و مدنیت مرکزینده تورکیه دیانت وقفی (تدو) طرفیندن تشکیل اولونان "5. اولوسلار آراسی یاخشیلیق موکافاتلاری" پروقرامیندا، قاتیلیمچیلارا مراجعت ائتدی.
پرزیدنت،
" ایسرائیل عسگرلرینین کامرالار قارشیسیندا قتله یئتیردیگی فیلیسطینلی گنج قیزلارین، علیللرین، یاشلیلارین دراملارینا ان کیچیک حساسلیق گؤسترمهدیلر. محض نتانیاهو، طیب اردوغانین اؤلکهسینده ژورنالیستلر حبسخانالاریندا بونا گؤره چوخ ناراحات اولوب. نتانیاهو، سن ظالمسان، ظالم. حاضیردا ایسرائیلده سئچیم وار دئیه حبسخانالارینداکی مینلرله اوشاق، قادین، قوجا بولاری حبسخانادا ساخلایان سن دئییلسنمی؟ اونلارا ظلم ائدن سن دئییلسن می؟ اگر دونیادا بیر ظالم آختاریرسا او سنسن. اوتانمادان، چکینمهدن دانیشیرسان. حاضیردا بیزیم یئرلریمیزه، مسجید القصامیزا باشماقلی گیرنلر، سنین عسگرین، سنین پولیسین دئییل می؟ اورادا، دین خادیملریمیزی دؤینلر سیزین عسگرلرینیز، ایدارهنیز دئییل می؟ بونو نه ایله ایضاح ائدرسن؟ بو، داخیلدکی بیر نئچه ژورنالیسته بنزمز، بونون هئچ بیر ایضاحی دا اولماز. ها بیزی تحریک ائتمهیه چالیشیرسانسا بیز تحریک اولمایاجاغیق. چونکی بیز بو اویونلارلا تحریک اولمایاجاق قدر عموم بشری بیر دینین داشیییجیلاریییق. بو اویونا گلمیریک." دئیه دانیشدی.
اردوغانین هدفینده، میصردکی اعداملارا سسسیز قالان غرب دونیاسی دا واردی.
پرزیدنت
" اعدام ائدیلن گنجلرین آجیسینی اورکلرینده حیس ائتمهدیلر. باخ، داها بو یاخینلاردا دوققوز گنجی اعدام ائتدیلر. ایندی بورادان مراجعت ائدیرم؛ ای غرب، آوروپا بیرلیگی، هانی آوروپا بیرلیگی اؤلکهلرینده اعدام قاداغان ایدی؟ " دئیه سوروشدو.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی