ریحانلی سالدیریلارینین قاچاق شبههلیسی یاخالاندی
قاچاق آیکان خامورچونون سامانداغ ائلچهسینه گئتدیگی بیلگیسینی آلدی
تورکیهنین حاتای شهرینین ریحانلی ائلچهسینده ۵۳ نفرین حیاتینی ایتیردیگی ایکی آیری بومبالی سالدیرینین قاچاق شبههلیلریندن آیکان خامورچو یاخالاندی.
حاتای امنیت مودورلوگو ترورلا مباریزه شعبه مودورلوگو اکیبلری، قاچاق آیکان خامورچونون سامانداغ ائلچهسینه گئتدیگی بیلگیسینی آلدی.
پلیس، تشکیل ائدیلهن عملیاتدا خامورچونو گؤزآلتینا آلدی.
حاتایین ریحانلی ائلچهسینده ۱۱ می ۲۰۱۳ده ۵۳ نفرین حیاتینی ایتیردیگی بومبالی سالدیریلارلا ایلگیلی ۳۳ نفرین محاکیمه اولوندوغو دعوی، ۲۳ فوریه ۲۰۱۸.جی ایلده سونوجلانمیشدی.
سالدیرینین فاعلی و پلانلاییجیسی اولماقلا سوچلانانلاردان ناصر اسکیاوجاقین دا آراسیندا اولدوغو ۹ سانیغا ۵۳ دفعه آغیرلاشدیریلمیش عؤمورلوک حبس، ۱۳ سانیغا دا ۱۵ ایله ۲۲ ایل ۶ آی آراسیندا دییشن مدتلرده حبس جزاسی وئریلمیشدی.
قاچاق سانیقلاردان آیکان خامورچونون شکایت پروندهسی آیریلمیشدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.