عمر چلیک گوندمی دیرلندیردی
عدالت و اینکیشاف پارتیسی‌نین سؤزچوسو عمر چلیک جمال خاشقچی جینایتینده سعودیه عربیستانی‌نین کیفایت قدر امکداش‌لیق ائتمه‌دیگینی سؤیله‌دی.
عدالت و اینکیشاف پارتیسی‌نین سؤزچوسو عمر چلیک جمال خاشقچی جینایتینده سعودیه عربیستانی‌نین کیفایت قدر امکداش‌لیق ائتمه‌دیگینی سؤیله‌دی.
عمر چلیک پارتی‌نین مرکزی ایجرا شوراسی ییغینجاغیندا موذاکیره اولونان موضوع لارا دایر آچیقلاماسیندا 2018-جی ایل اوکتبرین 2-ده سعودیه عربیستانی‌نین ایستانبول باش کونسوللوغوندا وحشیجه‌سینه اؤلدورولن سعودیه‌لی ژورنالیست جمال خاشقچی جینایتینه توخونا‌راق دئدی: "تورکیه همین موضوع دا پروسه سی شفاف شکیلده یوروتدو و سعودیه عربیستانی رسمی‌لرینه ائدیلن امکداش‌لیق چاغیریش‌لارینا هله ده جاواب آلا بیلمه‌دی.
آچیقلاماسیندا ونزوئلا-داکی وضعیته ده توخونان عمر چلیک "بیز ونزوئلا خالقی‌نین یانینداییق. اؤلکه‌نین آنایاساسینا، سئچیلمیش حاکمیته حؤرمت ائدیریک" دئدی.
امریکا پرزیدنتی دونالد ترامپین سوریه-ده تهلوکه‌سیز بؤلگه ایله علاقه‌دار تکلیفینه ده موناسیبت بیلدیرن عمر چلیک بیلدیردی کی، تورکیه-نین تهلوکه‌سیزلیکله باغلی ناراحات‌لیغینا سون قویولماسی مسئله‌سی لنگیدیله‌جک، زامان عرضینده حل ائدیله‌جک یاخود دا بازارلیق ائدیله‌جک بیر مسئله دئییل‌دیر. تورکیه سلاح‌لی قوه‌لری اؤلکه‌نین امین-آمان‌لیغی اوچون ایستنیلن عملیاتی حیاتا کئچیره‌جک قابیلیته صاحب‌دیر. همین بؤلگه‌لرین تروریستلر اوچون تهلوکه‌سیز بؤلگه اولما ایستاتوسون‌دان چیخاریلماسی و بورانین ناتو-نون متفیقی اولان تورکیه و ناتو متفیق‌لری اوچون تهلوکه‌سیز بؤلگه‌یه چئوریلمه‌سی بو ساحه‌ده آتیلا‌جاق ان دوزگون آددیم‌دیر.
عدالت و اینکیشاف پارتیسی‌نین سؤزچوسو عمر چلیک آچیقلاماسیندا ایسراییل طرفیندن الخلیل-ده کی باریش گوجونون وظیفه‌سینه سون قویولماسینا دا توخونا‌راق بو قرارین بؤلگه‌دکی گرگین‌لیگی درینلشدیرجگینه دقت چکدی.
چین-ین "دوغو تورکوستان" سیاست‌لرینه ده موناسیبت بیلدیرن چلیک دئدی: "چین طرفیندن 2017-جی ایلده "بوتون دین‌لرین و اینانج‌لارین چین-لیلشدیریلمه‌سی" طرزینده بیر سیاست قوه‌یه میندیریلدی. بو سیاستین آسیمیلاسیونا آچیق موختلیف خصوصیت‌لری‌نین اولدوغو دفعه‌لرله دیله گتیریلدی. دوغو تورکوستاندا اهمیت‌لی اجتماعی رای لیدرلری، صعنتچی و چوخ سایدا ضیا‌لی ایتکین‌دیر. بون‌لارین عائله‌لرینه خبر ده وئریلمیر. بوتون بو مسئله‌لره آیدین‌لیق گتیریلمه‌لی‌دیر. بئله موضوع لاردا شفاف آددیم‌لار آتیلاجاغی تقدیرده گرگین‌لیک بیر قدر سنگییه‌جک، حادثه‌لرین دئتال‌لاری‌نین گون ایشیغینا چیخاریلماسینا ایمکان یارانا‌جاق‌دیر.
