تورکیه شدتله قینادی
"سیاسی اؤزللیک داشییان بو قرارین گئری آلینماسینی گؤزلهییریک"
تورکیه، ایسراییلین فیلیسطینین الخلیل شهرینده اولان چوخ طرفلی گؤزلم گوجو "الخلیل اولوسلارآراسی گئچیجی وارلیغی"نین وظیفهسینی تک طرفلی اولاراق سونلاندیرماسینا دایر آچیقلاما وئردی.
خاریجی ایشلر باخانلیغی آچیقلاماسیندا قرارین شدت ایله قیناندیغی قید ائدیلهرک، "سیاسی اؤزللیک داشییان بو قرارین گئری آلینماسینی گؤزلهییریک" دئییلدی.
۱۹۹۷ده فعالیته باشلاماسیندان بو یانا تورکیهدن ده گؤزلمچیلرین آرالیقسیز اولاراق وظیفه آلدیغی الخلیل اولوسلارآراسی گئچیجی وارلیغی، ایسراییل ایشغالی آلتیندا اولان الخلیلده گرگینلیین آزالدیلماسینا قاتقی وئریردی.
خاریجی ایشلر باخانلیغیندان وئریلهن یازیلی آچیقلامادا، الخلیل اولوسلارآراسی گئچیجی وارلیغینین قورولماسینا یول آچان شرطلرین بو گون ده داوام ائتدیگی وورغولاندی،
"الخلیل اولوسلارآراسی گئچیجی وارلیغینین دوردورولماسینین ایسراییلین دؤردونجو ژنو سؤزلشمهسی باشدا اولماقلا اولوسلارآراسی حقوقدان ایرلی گلن تعهدلارینی و راپور وئرمه مسئولیتینی اورتادان قالدیرمادیغی آچیقدیر" دئییلدی.
خاریجی ایشلر باخانلیغی، اولوسلارآراسی توپلومو، ایسراییلین بو تعهدلارینا رعایت ائتمهسینی تامین ائتمهیه دعوت ائتدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.