خوان گوایدو، موخالیفتی چرشنبه و شنبه گونو یئنی‌دن کوچه‌یه چیخماغا چاغیریب
گوایدو، سوسیال شبکه توئیتر پایلاشدیغی گؤرونتولو مساژلا بو هفته کئچیره‌جک‌لری اعتراض‌لار حاقیندا معلومات وئریب
ونزوئلادا اؤزونو موقتی پرزیدنت اعلان ائدن، میللی مجلیس باشقانی خوان گوایدو، موخالیفتی چرشنبه و شنبه گونو یئنی‌دن کوچه‌یه چیخماغا چاغیریب.
دولت باشقانی نیکولا مادورونون لئگیتیم‌لیگینی قبول ائتمه‌ین و آمریکا باشدا اولماقلا بیر چوخ غرب و لاتین آمریکا اؤلکه‌سی‌نین دستگینی آلان گوایدو، سوسیال شبکه توئیتر پایلاشدیغی گؤرونتولو مساژلا بو هفته کئچیره‌جک‌لری اعتراض‌لار حاقیندا معلومات وئریب.
گوایدو، کاراکاس‌داکی طرفدارلارینی، چرشنبه گونو 12.00 - 14.00 ساعات‌لاریندا کوچه‌یه دعوت ائده‌رک، بو حرکتله عسگرلره "خالقین یانیندا اولما‌لاری و اینسانی یاردیمین اؤلکه‌یه گیرمه‌سینه ایجازه وئرمه‌لری" چاغیریشیندا ائده‌جک‌لرینی دئییب.
دیگر طرف‌دن، میللی مجلیس عضو‌لری اوردونون مادورویا دستگینی بیتیرمک اوچون حاضیرلادیق‌لاری آمنیستیا قانونونو جاراجاستا عسگرلره پایلاندی.
شهردکی پایگاه‌لارین گیریش‌لرینه کیچیک قروپ‌لار حالیندا گئدن موخالیف میللت وکیللری، قانونون یازی‌لی اولدوغو کاغیذلاری عسگرلره یئتیشدیرمگیدنه‌دی. سوسیال مئدیایا عکس اولونان گؤرونتولرده کاغیذلاری بعضی عسگرلرین قبول ائتدیگی، بعضی‌لری‌نین ایسه یاندیردیغی گؤرولوب.
ونزوئلادا موخالیفت و ایقتیدار طرفدارلاری‌نین 23 ژانویه چرشنبه گونو کئچیردیگی میتینگ‌لر اؤلکه و بؤلگه اوچون سون درجه اهمیت‌لی گلیشمه‌لره یول آچمیشدی.
اکثریتی موخالیفتین الین‌دکی میللی مجلیسین صدری گوایدو، موخالیفتچی‌لرین اعتراضینا اؤزونو موقتی پرزیدنت اعلان ائتمیش و باشدا آمریکا اولماقلا اوسترالیا، کانادا، کولومبیا، پرو، اکوادور، پاراگوا، برزیل، شیلی، پاناما، آرژانتین، کوستاریکا و قواتمالا کیمی اؤلکه‌لر طرفین‌دن تانینمیشدی.
مکزیک، تورکیه، روسیا، کوبا، چین و بولیوی ایسه ونزوئلا دولت باشقانی مادورو حکومتینه دستک‌لرینی تکرارلامیش، مادورو دا گلیشمه حاقیندا آمریکا ایله دیپلوماتیک و سیاسی علاقه‌لری کسدیگینی بیلدیرمیشدی. مادورو، داها سونرا وئردیگی باشقا بیر آچیقلامادا، ایکی اؤلکه آراسیندا دیپلوماتیک علاقه‌نین بیتدیگینی لاکین تیجاری موناسیبتی‌نین داوام ائدجگینی قئید ائتمیشدی.
