جمهور باشقانی اردوغان مالتا پرزیدنتی ایله گوروشدو
جمهور باشقانی رجب طیب اردوغان تورکیه-ده سفرده اولان مالتا پرزیدنتیله تکبتک و هئیتلر آراسیندا کئچیردیگی گؤروشلردن سونرا دونن کئچیریلن بیرگه مطبوعات کنفرانسیندا ونزوئلا-داکی حادثهلره توخوندو.
جمهور باشقانی رجب طیب اردوغان ونزوئلا-داکی چئوریلیش جهدینه رئاکسیا گؤسترمکده داوام ائدیر.
اردوغان تورکیه-ده سفرده اولان مالتا پرزیدنتیله تکبتک و هئیتلر آراسیندا کئچیردیگی گؤروشلردن سونرا دونن کئچیریلن بیرگه مطبوعات کنفرانسیندا ونزوئلا-داکی حادثهلره توخوناراق دئدی: "دموکراسی اوچون موباریزه آپارانلار سئچکی قوتوسوندان چیخان نتیجهنین یانیندا اولمالیدیر. مادورویا زنگ ائدهرک دستکیمیزی ایفاده ائتدیم و دیک دورماسینی سؤیلهدیم. امریکا پرزیدنتی ترامپین بو مسئلهیه یاناشماسی ایسه منی شوکا سالدی. مادورو ایناندیغی بو یولدا موباریزهسینی داوام ائتدیرسه ونزوئلا خالقینین دا اونون یاناندا اولاجاغینا اینانیرام.
همکاری پریکانی تورکیهده گؤرمکدن ممنون اولدوغونو بیلدیرن اردوغان "بو تاریخی سفرله سیاسی علاقهلریمیزین یئنی دؤوره قدم قویاجاغینا اومید ائدیرم. ایکی اؤلکه آراسینداکی علاقهلر سون ایللرده سرعت قازاندی. همکاریملا ایکی اؤلکه آراسینداکی علاقهلری هر جهتیله موذاکیره ائتمه ایمکانی الده ائتدیک" دئیه وورغولادی.
مالتانین تورکیه-نین آوروپا بیرلیگینه عضولوگونو گوجلو شکیلده دستکلدیگینه ایشاره ائدن اردوغان بیلدیردی کی، بوندان سونراکی پروسه سده آوروپا بیرلیگی ایله علاقهلریمیزده مالتانین دستکینین داوام ائدجگینه اینانیرام.
مالتا پرزیدنتی ماری لوئیز کولیرو پریکا ایسه تورکیه-نین آوروپا بیرلیگینه عضولوگونه توخوناراق دئدی کی، اؤلکم تورکیه-نین آوروپا بیرلیگینه عضو اولما پروسه سینی دستکلمکده داوام ائدهجک. مالتانین هم میسیونو هم ده دونیاگؤروشونه گؤره آوروپا بیرلیگی-نین بؤیومه پروسه سینی دستکلییریک.
تورکیه-نین بؤلگهده دیالوقون یارانماسی اوچون گؤستردیگی جهدلرینی ممنونیت و تقدیرله قارشیلادیقلارینی بیلدیرن ماری لوئیز کولیرو پریکا "تورکیه تهلوکهسیزلیک و بؤلگهدکی باریش اوچون کاتالیزاتور وظیفهسی اوزرینه گؤتورمهیه جهد ائدیر. حکومتینیز و سیزین سعیلرینیزله اؤلکهنیز میلیونلارلا قاچقین و موهاجیرین سیغیندیغی بیر یئر اولدو" دئیه بیلدیردی.
مالتا پرزیدنتی پریکا همچنین حکومتی و مالتا خالقی آدیندان کرچ بوغازیندا باش وئرن فاجعهلی قضادا حیاتینی ایتیرن تورکیه وطنداشلاری اوچون باش ساغلیغی وئردی.
ایلگیلیلی خبرلر
8-جی تورکیه-آلمانیا اقتصادیات گونو کئچیریلهجک
میین 4-ده آلمانیانین دوسلدورف شهرینده 8-جی تورکیه-آلمانیا اقتصادیات گونو کئچیریلهجک.