"آتاتورک گلمیش گئچمیش ان بؤیوک اینسانلاردان بیری"
عمران خان، میثاق ملی بورجوندا آنیدقبیر اؤزل دفترینی ایمضالادی
دؤولت باشقانی رجب طیب اردوغانین دعوتی ایله تورکیه‌ده رسمی سفرده اولان پاکیستانین باشباخانی عمران خان، قونیادان سونرا باشکند آنکارادا.
آتاتورکون (تورکیه جمهوریتی قوروجوسو) آنیدقبیرده‌کی آنیدینا چلنگ قویاراق سایغی دوروشو ائدن خان، سونرا میثاق ملی بورجوندا آنیدقبیر اؤزل دفترینی ایمضالادی.
خان، دفتره،
"بورادا، ۲۰.جی عصرین ان بؤیوک دؤولت آداملارین‌دان و اؤن‌گؤرولو لیدئرلرین‌دن غازی مصطفی کمال آتاتورکه سایفی گؤسترمک اوچون اولماق منیم اوچون بؤیوک شرف.
(آتاتورک) تورک خالقینا ان چتین واختلاردان بیرین‌ده لیدئرلیک ائد‌رک تورک و اصلین‌ده دونیا تاریخینی دییشدیردی و دونیا میقیاسین‌دا موستملکه‌چی‌لییه قارشی مباریزه ائد‌نلر اوچون ایلهام قایناغی اولدو. او جسارت، گوج، دیرنج، خوش‌گؤرو و بیلگه‌لیگین ملموس بیر اؤرنگی ایدی.
پاکیستانین قوروجوسو قائد اعظم محمد علی جناح، غازی مصطفی کمال آتاتورکو "گلمیش گئچمیش ان بؤیوک اینسانلاردان بیری" شکلینده دگرلندیرمیشدی.
پاکیستان حکومتی و خالقی آدین‌دان غازی مصطفی کمال آتاتورکه ان درین حیران‌لیق و سایغیلاریمی چاتدیریرام.
اونون، تورک میلتینین مستقیل‌لیگی و بیرلیگی اوچون وئردیگی شانلی مباریزه‌سی، سونسوزا دک تاریخ کیتابلارین‌دا قئیده آلینان ان پارلاق بؤلوم‌لردن بیری اولاراق قالاجاق" یازدی.
باشباخان خانا، تیجارت باخانی روخسار پکجان ائشلیک ائتدی.
ایلگیلی‌لی خبرلر
هاکان فیدان آوروپا اؤلکه‌لرینی فیلیسطینی تانیماغا چاغیریب
خاریجی ایشلر ناظیری هاکان فیدان آوروپا اؤلکه‌لرینی فیلیسطینی دؤولت کیمی تانیماغا چاغیریب.
