میللی مدافعه ناظیرلیگی نتانیاهویا رئاکسیا گوستردی
میللی مودافعه ناظیرلیگی تورکیه سلاحلی قوهلرینین بوتون حرکات ساحهلرینده خالقین حسرتینی چکدیگی، گؤزلهدیگی شفقت الی اولدوغونو و اولماقدا دا داوام ائتدیگینی بیلدیردی.
میللی مودافعه ناظیرلیگی تورکیه سلاحلی قوهلرینین بوتون حرکات ساحهلرینده خالقین حسرتینی چکدیگی، گؤزلهدیگی شفقت الی اولدوغونو و اولماقدا دا داوام ائتدیگینی بیلدیردی.
ناظیرلیک ایسراییل-ین باش ناظیری بنیامین نتانیاهونون تورکیه-نین اردوسونو هدف گؤتورن سؤزلریله باغلی یایدیغی آچیقلامادا بیلدیریب: "اؤلکهسیندکی یولسوزلوق اتهاملاری و سیاسی پروبلئملر قارشیسیندا دقتلری باشقا طرفه جلب ائتمک اوچون جهد گؤسترن نتانیاهونون تورکیه-نین اردوسو علیهینده کی اساسسیز و معناسیز و حقیقت اولمایان بهتانلارینی قبول ائتمیریک.
تورک سلاحلی قوه لرینین شانلی تاریخی بویونجا گؤستردیگی خیدمت و حیاتا کئچیردیگی عملیاتلاردا هئچ بیر دؤورده اوتانیلاجاق بیر مسئله اولمامیشدیر. (روملار طرفیندن قیبریس) لفکوشادا حامام دا قتله یئتیریلن آنا و اوشاقلار، ترور تشکیلاتی پ.کا.کا-نین گوله له دیگی کؤرپه اوشاقلار کیمی، اللرینده فیلیسطینلی اوشاقلارین قانی اولانلار باریشین تمیناتچیسی تورکیه اردوسونا بهتان آتا بیلمز. ایفاده لرینی ایشلتدی.
آچیقلامادا دئیلیر، اولوسلار آراسی حقوق و سازیشلر چرچیوهسینده حیاتا کئچیریلن قیبریس باریش حرکاتی (1974)، ترورلا موباریزه، (سوریه-ده) "فرات قالخانی" و "زیتون دالی" عملیاتلاریندا دا گؤروندوگو کیمی ان چتین عملیات شرایطینده بئله سیویل / گوناهسیز اینسانلار، تاریخی، دینی، مدنیت اثرلری و چئوره تورک سلاحلی قوه لری اوچون عملیاتلارین یوبانماسی باهاسینا توخونولماز اولموشدور. مثال اوچون؛ (سوریه-ده) رقه، حلب، موصول، غوطه ایله عفرین و الباب-ین عملیاتدان سونراکی شکیللرینی موقاییسه ائتمک کیفایتدیر. ایستر تورکیه-ده ایسترسه اطراف اؤلکهلرده یاشایان و هله ده اؤلکهمیزده سیغینمیش اون مینلرله کورد قارداشیمیز دا بونون ان اهمیتلی شاهیدیدیر".
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی