اردوغان: چتینلیگه دوشن هر کس اوزونو تورکیه‌یه چئویریر

پرزیدنت رجب طیب اردوغان، جغرافیامیزدا و اؤته‌سینده چتینلیگه دوشن، جان و مال گوونلیگی تهدید آلتینا گیر‌ن هر کسین اوزونو تورکیه‌یه چئویردیگینی سؤیله‌دی.

اردوغان، ایستانبول‌دا تورکیه گنج‌لیک وقفی (توگوا)نین ۳.جو اولاغان باش قورولون‌دا دانیشماسیندا، گنجلره توصیه‌لر وئر‌دی.

گنجلره سسلنه‌ن اردوغان، "تورکیه‌نین ۲۰۵۳ و ۲۰۷۱ هدفلرینی اولوشدورما و حیاتا گئچیرمه وظیفه‌سینی دینج‌ اورکله سیزلره (گنجلره) امانت ائدیره‌م" ایفاده‌لرینی ایشلتدی.

"جغرافیامیزدا و اؤته‌سینده باشی سیخیشان، جان و مال گوونلیگی تهدید آلتینا گیرن هر کس، دینی، دیلی، مذهبی نه اولورسا اولسون اوریینی و اوزونو تورکیه‌یه چئویریر" دئیه‌ن پرزیدنت، دونیانین ان زنگین اؤلکه‌لری سیغینماچیلارا وبالی کیمی باخارکن، تورکیه‌نین اونلارلا سوفره‌سینی پایلاشدیغینی قید ائتدی.