تورکیه-قطر یوکسک سویه‌لی ایستراتژی شورانین 4-جو توپلانتی‌سی کئچیریلدی
ایستانبول-دا وحدت الدین کؤشکونده تورکیه-قطر یوکسک سویه‌لی ایستراتژی شورانین 4-جو توپلانتی‌سی تورکیه پرزیدنتی رجب طیب اردوغان و قطر امیری شیخ تمیم بن حمد آل ثانی‌نین ایشتیراکی ایله کئچیریلدی.
تورکیه پرزیدنتی رجب طیب اردوغان تورکیه و قطرین چتین گون‌لرین دوست‌لاری اولدوق‌لارینی دفعه‌لرله نوماییش ائتدیک‌لرینی سؤیله‌دی.
ایستانبول-دا وحدت الدین کؤشکونده تورکیه-قطر یوکسک سویه‌لی ایستراتژی شورانین 4-جو توپلانتی‌سی تورکیه پرزیدنتی رجب طیب اردوغان و قطر امیری شیخ تمیم بن حمد آل ثانی‌نین ایشتیراکی ایله کئچیریلدی.
تورکیه پرزیدنتی توپلانتیدا چیخیش ائده‌رک بون‌لاری سؤیله‌دی: "قطرلی قارداش‌لاریم، ایلک نوبه ده ، سیزی ایکینجی ائوینیزده سالاملاییرام. دیپلوماتیک علاقه‌لریمیزین 45-جی ایلدؤنومونو قئید ائتدیگیمیز بئله بیر دؤورده امکداشلیغیمیزدا الده ائتدیگیمیز سویه‌یه گؤره فخر ائدیریک. تورک خالقی قطرلی قارداش‌لارینی هدف آلان محاصره و تحریم لرین باش توتماماسی اوچون جدی سعی گؤستردی. قطر 2016-جی ایلین 15 ژوئن ده حیاتا کئچیریلن خاین چئوریلیش جهدیندن سونرا اولوسلار آراسی عالمده اؤلکه‌میزه ان گوجلو دستکی وئرن اؤلکه‌لر آراسیندا اولدو. سون آیلاردا ایقتیصادیاتیمیزی هدف آلان ایسپکولیاتیو جهدلر قارشی‌سیندا دا یانیمیزدا اولدو. حقیقی دوست چتین گون‌لرده معلوم اولور. وفا‌لی دوستوموز قطره گؤستردیگی گوجلو دستک و هم رای‌لیگه گؤره بیر داها اؤز آدیمدان و میللتیم آدیندان خصوصی میننتدارلیغیمی بیل‌دیریرم".
اردوغان قطر امیری شیخ تمیم بن حمد آل ثانی ایله کئچیردیگی گؤروشده ایکی طرف‌لی موناسیبت‌لرده الده اولونان سویه‌یه گؤره ممنونیت‌لرینی ایفاده ائتدیک‌لرینی، امکداش‌لیغی هر ساحه‌ده درینلشدیرمک ایله باغلی آرزولارینی بؤلوشدوک‌لرینی قئید ائتدی.
توپلانتی‌دان سونرا ایکی اؤلکه آراسیندا نقلیات، مدنیت، تیجارت، ایقتیصادیات و باشقا ساحه‌لره عایید ایستراتژی امکداش‌لیق پروتوکول‌لاری ایمضالاندی.
توپلانتیدا خاریجی ایشلر ناظیری مولود چاووش اوغلو، میللی مودافعه ناظیری حولوسی آکار، نقلیات و آلت یاپی ناظیری مهمت جاهیت تورهان، خزینه و مالیه ناظیری برات آلبایراق، تیجارت ناظیری روحسار پکجان، جمهور باشقانلیغی سؤزچوسو ابراهیم کالین و دیگر رسمی‌لرله یاناشی قطرین یوکسک وظیفه‌لی شخص‌لری ایشتیراک ائتدی‌لر.
