جمهور باشقانی اردوغان خالقی 29 اکتبر جمهوریت بایرامی موناسیبتیله تبریک ائتدی

جمهور باشقانی رجب طیب اردوغان تورکیه-‌نین سلجوق‌لو و عثمانلی‌دان تحویل آلدیغی تاریخی سفرینی گله‌جک هدف‌لریله تاجلاندیراجاغینی سؤیله‌دی.

29 اکتبر جمهوریت بایرامی موناسیبتیله خالقی تبریک ائدن رجب طیب اردوغان بیلدیریب:

تورکیه-نی بو گونه گتیرن‌لره میننتداریق. بون‌دان سونرا دا تورکیه-‌نین قارشی‌سیندا دوران وظیفه‌لرله داها اوست سویه‌یه چیخاجاغیق.

تاریخه مظلوم لارا آرخاسینی دؤنن دئییل، ائوینی و چؤریی بؤلوشن، هر مسئله‌ده سئچیمینی حاق، عدالت طرفداری اولا‌راق ائدن بیر اؤلکه کیمی دوشمک شرفی بیزه کیفایت‌دیر. بو موضعیمیزدن هئچ واخت چکیلمه‌یه‌جک، هئچ بیر انگل، هئچ بیر تخریبات و هئچ بیر اویونون بیزی هدف‌لریمیزدن ساخلاماسینا ایمکان وئرمیجییک.

تروریزمله موباریزه‌ده و 15 ژوئیه 2016-جی ایل دؤولت چئوریلیشی جهدینده حیات‌لارینی ایتیرن تهلوکه‌سیزلیک قوه‌لری امکداش‌لاری و وطنداش‌لاریمیزی دا یادا سالیریق. اونلار خالقین یادداشیندا و دؤولتین کیملیگینده دایما یاشایا‌جاق‌لار.

تورکیه-‌نین اوغورلاری مظلوم‌لارین اومیدلرینی آرتیریر. ائله بو سبب‌دن ده اؤلکه‌میز دونیانین ان بؤیوک 17-جی ایقتیصادیاتی اولدوغو حالدا، اینسانی یاردیم‌لار مسئله‌سینده میللی گلیره گؤره ایلک سیرادا یئرلشیر. هر کسین قاپی‌سینی و قلبینی باغلادیغی قاچقین‌لارا ائوینی و اوریینی آچان، اینسانی مسئولیت‌لرینی یئرینه یئتیرن یئگانه اؤلکه تورکیه-‌دیر.

تورکیه خالقی‌نین تاریخینده قازاندیغی غلبه‌لر اونون نجابت‌لی دوروشونون بیر سیمبولودور.

سلجوق‌لودان عثمانلییا و گنج تورکیه جمهوریتینه قدر گلن تاریخی یولدا داوام ائدن بؤیوک سفریمیزی، اینشاللاه، 2023 هدف‌لریمیزله تاجلان‌دیرا‌جاق، 2053 و 2071 پئرسپئکتیو‌لریمیزله ایسه داها اوست سویه‌یه چیخاراجاغیق".