چاووشاوغلودان آمریکایا ایران تپکیسی
چاووشاوغلو، تورکیهنین آمریکانین ایرانا قارشی تحریم مسئلهسینده توتومونون آیدین اولدوغونو بیلدیردی
خاریجی ایشلر باخانی مؤولود چاووشاوغلو، آمریکانین ۴ نوامبردا تطبیق ائدجگی ایرانا یؤنهلیک ۲.جی مرحله تحریملرین، بیرلشمیش میللتلر گوونلیک شوراسی قراری اولمادیغینی دئدی.
مؤولود چاووشاوغلو، آنادولو آژانسینا وئردیگی دیرلندیرمهده تورکیهنین آمریکانین ایرانا قارشی تحریم مسئلهسینده توتومونون آیدین اولدوغونو بیلدیردی.
تورکیهنین قونشوسو ایران ایله تیجارت ائتدیگینی، بو اؤلکهدن گاز و نفت آلدیغینی وورغولایان چاووشاوغلو، آمریکانین تک باشینا تحریم تطبیق ائتدیگینی، ژاپن، آسیا، آوروپا بیرلیگی اؤلکهلری و تورکیهنین بونا قارشی اولدوغونو سؤیلهدی.
باخان چاووشاوغلو، آمریکالی قونومداشی مایک پومپئویا بو بارهده دوشونجهلرینی سؤیلهدیگینی ایفاده ائتدی.
آمریکانین تک طرفلی آلدیغی قرارین باشقا اؤلکهلره ده تأثیر گؤستردیگینی قید ائدن چاووشاوغلو،
"سن بیر قرار آلابیلرسن، آنجاق دیگر شیرکتلری و اؤلکهلری نه اوچون جزالاندیرماق ایستییرسینیز. بو، امنیت شوراسی قراری دئییل کی. بیز بو مسئلهده استثنا توتولماق اوچون لازیم اولان طلبلریمیزی دئدیک. آیریجا اونو دا دئدیک، باخین! بیرطرفلی قرارلار آلیرسینیز. اؤلکهلر اویمادیغی زامان بو دفعه سیزین دوروشونوز دا سارسیلاجاق. او اوزدهن بو مسئلهلرده آددیم آتمادان اول خصوصاً بؤلگه اؤلکهلری ایله سیزین مشورت ائتمهنیز لازیمدیر. ایرانلا تیجارت ائدن اؤلکهلرله مذاکیره ائتمنیز لازیمدیر" دئدی.
ایلگیلیلی خبرلر
پکاکالی ۴ تروریست ضررسیز حالا گتیریلدی
"تروریستلری خیاللارییلا بیرلیکده قازدیقلاری خندکلره باسدیرماغا داوام ائدیریک"