اردوغان، 27-جی دؤور 2-جی یاساما ایلی‌نین آچیلیشیندا میللت وکیل‌لرینه خیطاب ائدیب
تورکیه جمهور باشقانی رجب طیب اردوغان،تورکیه اوزرینده اوینانان اویون‌لاری پوزدوق‌لاری کیمی ایقتیصادی سالدیری‌لارین دا اوسته‌سین‌دن گله‌جک‌لرینی بیلدیریب
تورکیه جمهور باشقانی رجب طیب اردوغان،تورکیه اوزرینده اوینانان اویون‌لاری پوزدوق‌لاری کیمی ایقتیصادی سالدیری‌لارین دا اوسته‌سین‌دن گله‌جک‌لرینی بیلدیریب.
اردوغان، 27-جی دؤور 2-جی یاساما ایلی‌نین آچیلیشی موناسیبتیله تورکیه بؤیوک میللت مجلیسی باش مجلیسینده میللت وکیل‌لرینه خیطاب ائدیب.
اردوغان چیخیشیندا، بعضی دایره‌لرله تورکیه'نی کونجه سیخیش‌دیرماق اوچون ائدیلن هر حمله‌نین، اؤلکه اولا‌راق کئچیریلن داها بؤیوک آددیم‌لارلا قارشی‌لیق اولدوغونا دقتی چکدی.
خاریجی گوجلرین ترور تشکیلات‌لارینی ایستیفاده ائده‌رک تورکیه‌یه دیز چؤکتور-میه چالیشدیق‌لارینی وورغولایان اردوغان، بؤلوچو ترور تشکیلاتی پ.ک.ک، داعش و فتح الله'چی ترور تشکیلاتی فتو ایله موباریزه‌ده بؤیوک اوغورلار الده ائتدیک‌لرینی ایفاده ائتدی.
اردوغان،
" 15 ژوئیه 2016دا) کودتا ائتمه‌یه تلاش ائدیب‌لر. میللتیمیزله بیرلیکده سینه‌میزی لوله‌لره سیپر ائدیب، ایستیقلالیتیمیزه و گله'جگیمیزه صاحب چیخدیق. سرحدلریمیز بویو ترور دهلیزی یاراتماغا قالخدی‌لار، آرد-آردا ائتدیگیمیز حرکات‌لارلا بو پلانی دا پارچا-پارچا ائتدیک. گئجه یاری‌سی عملیات‌لاری ایقتیصادیمیزی چؤکدورمه‌یه چالیشدی‌لار، الله'ین ایزنی ایله بو سالدیرینی دا کئچمه یولو ایله گئدیریک. بو گونه قدر میللتیمیزله بیرلیکده حرکت ائدرکن اوسته‌سین‌دن گلمدیگیمیز هئچ بیر پروبلم اولمادی. بون‌دان سونرا دا عینی اوغورلارا ایمضا آتماغی سوردوره'جگیک دئدی".
عراقین قندیل بؤلگه‌سینده ترورچولارا بؤیوک ضربه‌لر ووردوق‌لارینا قئید ائدن اردوغان، هدف‌لری‌نین سینجاری دا ترورچولاردان تامامیله تمیزلمک اولدوغونو دئدی.
آمریکا ایله موناسیبت‌لره ده توخونان اردوغان،
ترور تشکیلات‌لاری قارانلیق علاقه‌لری سببیله محاکیمه اولونان کشیشی بهانه ائده‌رک، اؤلکه‌میزه تحریم‌لر تطبیق ائتمه‌یه قالخان بو یانلیش آنلاییشلا دیپلوماسینین و حقوقون سرحدلری ایچینده موباریزه ائتمکده قرارلیییق" دئییب.
اردوغان، ان قیسا مدتده مسئله‌لری حل ائدیب، آمریکا ایله یئنی سیاسی و ایقتیصادی ساحه‌لرده ایستراتژیک طرفداش‌لیق روحونا اویغون موناسیبت‌لر اینکیشاف ائتدیرمگی اومید ائتدیک‌لرینی ایفاده ائتدی.
آمریکا رهبرلیگی‌نین سیاسی و حقوقی پروبلم‌لری دیالوق اوزینه تهدید و شانتاژ دیلی ایله حل ائتمه‌یه چالیشماق صورتیله یانلیش یولا گیردیگینی وورغولایان اردوغان،
"گویا بیزه بدل اؤدتمگی هدفله‌ین بو اصول اصلینده ان بؤیوک ضرری اورتا و اوزون زاماندا آمریکایا وئریر. دونیادا هئچ بیر اؤلکه‌نین آمریکا ایله موناسیبت‌لری‌نین گله'جگینه ایناملا باخماسی آرتیق مومکون دئییل" شکلینده دانیشدی.
"روسیا ایله آرامیزی پوزماق اوچون ده بیر چوخ تخریبات ائدیلدی" دئین اردوغان، "قارشی‌لیق‌لی اولا‌راق عاقیلی و سویوققان‌لی‌لیغی الدن بوراخمایا‌راق، بو چتین‌لیک‌لرین اوسته'سین‌دن گلدیک. اینشا الله، قارشی‌داکی دؤورده روسیا ایله آرامیزداکی بو مثبت امکداش‌لیق ایقلیمینی داها دا گوجلندیرجگیک" دئدی.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
