تورکیه آذربایجانی قوتلادی
"باکینین قورتولوشونون ایلدؤنومونون قوتلو اولماسینی دیلهییر، ۱۱۳۲ شهیدیمیز ایله بیرلیکده وطنلری اوغروندا شهید اولان آذربایجانلی قارداشلاریمیزی سایغی ایله آنیریق"
تورکیه، باکینین قورتولوشونون ۱۰۰.جو ایل دؤنوشونو تبریک ائتدی.
خاریجی ایشلر باخانلیغیندان وئریلن یازیلی آچیقلامادا،
"باکینین قورتولوشونون ایلدؤنومونون قوتلو اولماسینی دیلهییر، بو یولدا حیاتلارینی فدا ائدن ۱۱۳۲ شهیدیمیز ایله بیرلیکده وطنلری اوغروندا شهید اولان آذربایجانلی قارداشلاریمیزی سایغی، میننتدارلیق و رحمتله آنیریق" ایفادهلرینه یئر وئریلدی.
آچیقلامادا، ۱۵ سپتامبردا، آذربایجانین دؤولت باغیمسیزلیغینی اعلان ائتمهسیندن درحال سونرا عثمانلی دؤولتیندن یاردیم طلب ائتمهسی ایله آذربایجانا گؤندریلن نوری کیللیگیل پاشا یولباشلیغی آلتینداکی قافقاز ایسلام اوردوسو اؤنچولوگوده باکینین قورتولوشونون ۱۰۰.جو ایل دؤنومونون قوتلاندیغی خاطیرلادیلاراق،
"قافقاز ایسلام اوردوسو و بو معنالی ایلدؤنومو تورکیه و آذربایجانین ایکی دؤولت، بیر میللت" گؤروشونده ایفادهسینی تاپان طالع بیرلیگینین ان اؤنملی عامللریندن بیرینی تشکیل ائدیر" ایفادهلرینه یئر وئریلدی.
باخانلیغین آچیقلاماسیندا،
"باکینین قورتولوشو او دؤورده، باشکندین گنجهدن باکییا کؤچورولمهسینین و اؤلکهنین تورپاق بوتؤولویونون تامین ائدیلمهسینین یولونو آچمیش، آذربایجانین بوگونکو سرحدلرینین چکیلمهسینه ده اساس تشکیل ائتمیشدیر. بیرینجی دونیا ساواشینین سون آیلاریندا سئچکین عسگرلردن قورولاراق آذربایجانا گؤندریلهن قافقاز ایسلام اوردوسونون قازاندیغی بو بؤیوک غلبهنین ایلدؤنومو، تورکیه ایله آذربایجان آراسینداکی قارداشلیق و دایانیشمانین سیمگهسی کیمی مستثنی بیر یئره صاحبدیر" دئییلدی.
ایلدؤنومو موناسیبتیله باکیدا پرزیدنت رجب طیب اردوغان و آذربایجان پرزیدنتی ایلهام علییئوین قاتیلاجاغی بیر قوتلاما پروگرامینین دوزنلهنهجگی ده بیلدیریلن آچیقلامادا، بو قوتلامالاردا تورکیه سلاحلی گوجلری و آذربایجان سلاحلی گوجلرینه باغلی بیرلیکلرین بیرلیکده قاتیلاجاغی بیلگیسی ده یئر آلدی.