"تورکیه آمریکا ایله بحرانی نئجه گؤرور؟"
اردوغان، آمریکا ایله گرگین‌لیگی نیویورک تایمز قزئتینه یازدیغی مقاله‌ده دگرلندیردی
جمهورباشقانی رجب طیب اردوغان، آمریکانین تک طرف‌لی‌لیک و سایغی‌سیزلیق گئدیشینی عکسینه چئویره‌بیلمز ایسه تورکیه‌نین یئنی دوست و متفیقلر آراماغا باشلایاجاغینی بیلدیردی.
اردوغان، آمریکا ایله گرگین‌لیگی نیویورک تایمز قزئتینه یازدیغی مقاله‌ده دگرلندیردی.
اردوغان، قزئت‌ده "تورکیه آمریکا ایله بحرانی نئجه گؤرور؟" باش‌لیق‌لی بیر مقاله یازدی.
آمریکانی تورکیه‌نین اگمنلیینه سایغی دویماغا چاغیران اردوغان، "اورتاقلیغیمیز ریسکه گیره‌بیلر" دئدی.
اردوغان، واشینگتونون بیر طرف‌لی آددیملارینین اؤز ماراقلارینا و گوونلیگینه ضرر وئرجیی اویاریسی دا ائتدی.
اردوغان، "پیسلیگین دونیانین هر یئرین‌ده پوسقویا یاتدیغی بیر واخت‌دا، اوزون زامان‌دیر متفیقیمیز اولان آمریکانین تورکیه‌یه قارشی آتدیغی تک طرف‌لی آددیملار تکجه آمریکانین چیخارلارینا و گوونلیگینه ضرر وئریر" ایفاده‌لرینه یئر وئردی.
اردوغان، "واشینگتون ایلیشکی‌لریمیزین آسیمتریک اولابیله‌جگی یانلیش فیکرینی بیر کنارا قویمالی‌دیر" دئدی.
آمریکانین تورکیه‌نین آلتئرناتیولره صاحب اولدوغونو قبول ائتمه‌سی لازیم اولدوغونو وورغولایان اردوغان، "بو تک طرف‌لی‌لیک و حؤرمت‌سیزلیک گئدیشینیینی عکسینه چئویرمزلرسه یئنی دوست و متفیقلر آختارماغا باشلایاجاییق" دئیه یازدی.
اردوغان، سون ایللرده ایکی اؤلکه‌نین اورتاقلیغینین آمریکا طرفین‌دن آنلاشمازلیقلارلا سیناندیغینی قید ائتدی و
آمریکانی تورکیه‌نین اگمنلیینه حؤرمت ائتمه‌یه چاغیردی.
اردوغان، آمریکانین تورک میلتینین قارشی قارشییا اولدوغو تهلوکه‌لری آنلادیغینی اثباتلایامماز ایسه اورتاقلیغین ریسکه گیره‌بیله‌جگی اویاریسی وئردی.
آمریکا رهبرلیگینی ده سرت دیلله تنقید ائد‌ن اردوغان،
"پنسیلوانیادا یاشاماق‌دا اولان فتح‌الله‌چی ترور هؤرگوتو چته باشی ۱۵ ژوئیه ۲۰۱۶دا حکومتی دئویرمه‌یه چالیشدی. تورک خالقی بو سالدیرینی آمریکادان قیناما و تورکیه‌نین سئچیلمیش حکومتی ایله دایانیشما گؤسترمه‌سینی گؤزله‌دی، اما آمریکا پیسله‌مه‌دی. ایکیلی آنلاشمالار اساسیندا اعاده طلب ائتدیک، اما هله ده یئرینه یئتیریلمه‌دی. سوریه‌ده بؤلوجو ترور هؤرگوتو پ‌کاکانین سوریه قولو ی.پ.گ/پ.ی.دیه مینلرجه سلاح گؤندردی. بو سلاحلار تورکیه، سوریه و عراق‌دا وطنداشلاری اؤلدورمک اوچون ایستیفاده ائدیلدی" ایفاده‌لرینی ایشلتدی.
تورکیه‌نین بیر زامان معین ائتدیینی قید ائد‌ن اردوغان، آمریکا قولاق آسماسا بیر داها تورکیه‌نین اؤز گؤبگینی اؤزو کسه‌جگینی (اؤز ایشینی، اؤزو ائدجگینی) وورغولادی.
اردوغان، "۱۹۷۰لرده قیبریسداکی تورکلره قارشی قتل‌عامی دوردورماق اوچون آمریکانین بوتون قارشی چیخمالارینا باخمایاراق قیبریسا چیخدیق. سوریه‌نین قوزئییندن قایناقلانان میلی گوونلیگیمیزه قارشی تهدیدلر آمریکا طرفین‌دن قاورانمایینجا ۲ حربی عملیات گئچیردیک" خاطیرلاتماسینی ائتدی.
ایلگیلی‌لی خبرلر
پ‌کاکا‌لی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائد‌جک"
