تورکیه، ونزئلا دولت باشقانی نیکولاس مادورویا اولان سالدیرینی شیدتله قینادی
حادثه زامانی مادورو و یاخینلارینین یارا آلمادان قورتولماسینین ان بؤیوک تسللی اولدوغو وورغولانان آچیقلامادا، پارتلاییشلار نتیجهسینده یارالاندیغی بیلدیریلن 7 عسگره عاجیل شفا دیلندی
تورکیه، ونزوئلا دولت باشقانی نیکولاس مادورویا اولان سالدیرینی شیدتله قینادی.
خاریجی ایشلر ناظیرلیگی طرفیندن ائدیلن یازیلی آچیقلامادا،
"ونزوئلا میللی قورویوچولار بیرلیکلرینین قورولوشونون 81. ایل دؤنومو وسیله سیله باشکند کاراکاس دا تشکیل ائدیلن، جمهورباشقانی باشقانی نیکولاس مادورو موروس، حیات یولداشی و اوغلو، حکومت عضولری و نیظامی مسئوللارین قاتیلدیغی مراسیمده میدانا گلن و پرزیدنتینین شخصینه ایستیقامتلی اولدوغو آیدین اولان سالدیری بؤیوک بیر کدر ایله قارشیلانمیشدیر. سؤز موضوعسو منفور سالدیرینی شیدتله قیناییریق. " ایفادهسی ایستیفاده ائدیلدی.
حادثه زامانی مادورو و یاخینلارینین یارا آلمادان قورتولماسینین ان بؤیوک تسللی اولدوغو وورغولانان آچیقلامادا، پارتلاییشلار نتیجهسینده یارالاندیغی بیلدیریلن 7 عسگره عاجیل شفا دیلندی.
آچیقلامادا،
"تورکیه بو چتین زاماندا، قارداش و دوست ونزوئلا خالقی و پرزیدنت مادورو، عائلهسی و بوتون حکومت مقاملارینین یانیندا یئر آلماقدادیر. ونزئلادا ثابتلیک، ریفاه، دینجلیک و امنیتین سورمهسی ان بؤیوک تمننیمیزدیر. بو، بؤلگه سل ثابتلیک و دونیا باریشی اوچون ده اهمیت داشیییر . پرزیدنت مادورو، قیمتلی عائلهسی، حکومت عضولری و بوتون ونزوئلا خالقینا کئچمیش اولسون دیلکلریمیزی تقدیم ائدیریک. " دئییلدی.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"