یئنی سیستمین ایلک میللی امنیت شوراسی بو گون توپلاشاجاق
فوق العاده حال سونراسی دؤوره دایر آیرینتیلار نظردن کئچیریلهجک
یئنی سیستمین ایلک میللی امنیت شوراسی بو گون ساعت 15.00ده جمهورباشقانی رجب طیب اردوغان باشقانلیغی آلتیندا توپلاشاجاق.
پرزیدنت معاوینی فواد اوکتای، عدالت، میللی ساوونما، ایچ ایشلر و خاریجی ایشلر ناظیرلرینین قاتیلاجاغی ایجلاس اوچون گنل قورمای باشقانی و گوج قوموتانلاری دا قورولون طبیعی عضولری اولاراق پرزیدنت کومپلکسینده حاضیر اولاجاق.
گوندهلیک ترورلا موباریزه و خاریجی سیاست اولاجاق.
فوق العاده حال سونراسی دؤوره دایر آیرینتیلار نظردن کئچیریلهجک.
یئنی ترورلا موباریزه قانونونون تطبیقینه دایر باشلیقلار باخیلاجاق.
بؤلگه سل پروسهلر ده ماسادا اولاجاق.
سوریه نین منبیچ شهرینده آمریکا ایله بیرلیکده حیاتا کئچیریلن فعالیت پلانی قیمتلندیریلهجک.
پرزیدنت فرمانی ایله آلت یاپینی یئنیدن تشکیل اولونان میللی امنیت شوراسی یئنی دؤورده ایکی آیدا بیر توپلاناجاق.
میللی امنیت شوراسی-نین عضولری، لازیم اولاندا بیرباشا پرزیدنتین چاغیریشی ایله ده بیر آرایا گلهجک.
قورولون گوندهلیگی پرزیدنتی طرفیندن معین اولوناجاق.
قورولا جمهور باشقانی قاتیلمادیغی زامانلاردا پرزیدنت معاوینی باشقانلیق ائدهجک.
قورول توپلانتیلارینا عضولر باشقا، گوندمین خصوصیتینه گؤره باغلی ناظیر و شخصلر ده چاغیراراق معلومات و گؤروش آلینابیله جک.