تورکیه کانادایا خبردارلیق ائتدی

تورکیه پ.کا.کا ترور تشکیلاتینا قارشی سون واخت‌لاردا حیاتا کئچیردیگی عملیات‌لاردا اله کئچیردیگی سلاح‌لار آراسیندا کانادا اوره تیمی اتوماتیک سلاح‌لار اولدوغونا گؤره بو اؤلکه‌یه خبردارلیق ائتدی.

کانادانین میللی مئدیا قروپلاریندان‌ "مدیا پست"یا عاید نشنال پست، مونترال قزئتی و اتاوا سیتیزن قزئت‌لرینده David Pugliese  -ین قلمه آلدیغی "کانادا اوره تیمی پیادا توفنگی تروریستلرین الینه کئچدی" باش‌لیق‌لی خبرده پ.کا.کا-لی تروریستلرین الینده کانادا منشأ‌لی NEA-15  تیپ‌لی سلاح‌لار اولدوغو بیلدیریلیب.

خبرده قئید ائدیلیب کی، تورکیه سلاح‌لی قوه‌لری آوریل آییندا ماردین شهرینده حیاتا کئچیردیگی عملیات‌لاردان بیرینده پ.کا.کا-نین ایستیفاده ائتدیگی ماغارادا کانادا اوره تیمی خصوصی قوه‌لر سلاحی اله کئچیریلدی و سلاح‌لارین حادثه یئرینده چکیلن شکیل‌لری کانادا رسمی‌لرینه چاتدیریلدی. اله کئچیریلن سلاح‌لاری اونتاریو ایالتینده کی ن North Eastern Arms-NEA آدلی شیرکت اوره تیر و شیرکتین رسمی سی سلاح ساتیشی‌نین کانادا فدرال حکومتی‌نین ایجازه‌سیله رئاللاشدیغینی ایفاده ائتدی. خاریجی ایشلر ناظیرلیگی آدیندان مشاویر جان بابکوک آچیقلاما وئره‌رک، ناظیرلیگین مسئله ایله علاقه‌لی تدقیقاتا باشلادیغینی، 2016-جی ایلده عراقا ساتیلان سلاح‌لارلا علاقه‌لی بو اؤلکه رسمی‌لریله علاقه ساخلایا‌راق ناراحات‌لیق‌لارینی دیله گتیردیگینی و صادر ائدیلن سلاح‌لارین سون ایستیفاده‌سی باره‌ده علاوه ضمانت آلیندیغینی بیلدیردی.

تورکیه‌نین اتاوا سفیری سلچوک اونال "حکومتیمیز خصوصیله سوریه و عراق-داکی ترور تشکیلات‌لاری داخیل موختلیف عنصورلره سلاح وئریلمه‌سی‌نین علیهینه اولدوغونو داوام‌لی اولا‌راق دیله گتیریر. بو چرچیوه‌ده عراق-دا موختلیف قروپ‌لارا وئریلن سلاح‌لارین داعش و پ.کا.کا/پ.ی.د کیمی ترور تشکیلات‌لاری‌نین الینه کچه‌بیله‌جگی  باره‌دکی ناراحاتلیغیمیزی چات‌دیریریق. کانادا داخیل دیگر متفیق‌لر بو باره‌ده خبردار ائدیلیر. بونونلا علاقه‌لی اولا‌راق دا تشبوس‌لریمیز اولدو" دئییب.