تورکیه، نیجریه-ده تؤره‌دیلن ترورو پیسله‌دی

تورکیه، یوبه و بورنو ایالتینده تؤره‌دیلن و چوخ سایدا معصوم اینسانین اؤلومونه و یا یارالانماسینا گتیریب چیخاران ترور حادثه سینی قیناییب.

خاریجی ایشلر ناظیرلیگی‌نین مسئله ایله علاقه‌لی آچیقلاماسیندا: "تورکیه، یوبه و بورنو ایالتینده تؤره‌دیلن و چوخ سایدا معصوم اینسانین اؤلومونه و یا یارالانماسینا گتیریب چیخاران ترورو قیناییر و خاین هوجوم‌لاردا حیاتینی ایتیرن‌لرین عائله‌لری باشدا اولماقلا نیجریه حکومتی و خالقینا باش ساغلیغی وئریر. یارا‌لی‌لارا عاجیل شفا آرزولاییر".

قئید ائدک کی، نیجریه-نین شیمالیندا یئرلشن بورنو ایالتینده حیاتا کئچیریلن ترور حادثه سی نتیجه‌سینده 8 آدام حیاتینی ایتیریب، 7 نفر ده یارالانیب. حادثه‌یه گؤره مسئولیتی ترور تشکیلاتی بوکو حرام اوزرینه گؤتوروب. یوبئ ایالتی‌نین Tarmuwa  بؤلگه‌سینده ایسه همین ترور تشکیلاتی عضو‌لری ایله حربی قوه‌لر آراسیندا باش وئرن قارشیدورما نتیجه‌سینده چوخ سایدا نیجریه عسگری حیاتینی ایتیریب. بوکو حرام ترور تشکیلاتی‌نین 2000-جی ایلدن بری اؤلکه‌ده تؤرتدیگی قان‌لی حادثه‌لرده ایسه 20 مینه قدر آدام اؤلوب.