اردوغان، بوگون تورکیه بؤیوک میللت مجلیسی عمومی قورولوندا آند ایچهجک
رجب طیب اردوغانین، پرزیدنت کوللیه سینده کئچیریلهجک "پرزیدنت وظیفهیه باشلاما تؤره نینه" 22 دولت باشقانی، 28 باش ناظیر و پارلامنت باشقانی ایله 6 اولوسلار آراسی تشکیلاتین باش کاتیبی قاتیلاجاق
رجب طیب اردوغانین، پرزیدنت کوللیه سینده کئچیریلهجک "پرزیدنتلی وظیفهیه باشلاما تؤره نینه" 22 دولت باشقانی، 28 باش ناظیر و پارلامنت باشقانی ایله 6 اولوسلار آراسی تشکیلاتین باش کاتیبی قاتیلاجاق.
تورکیه جمهور باشقانی رجب طیب اردوغان، تورکیه ساعاتی ایله16.30-دا تورکیه بؤیوک میللت مجلیسی عمومی قورولوندا آند ایچهجک، سونرا جمهوریتین بانیسی آتاتورکون مزارینین یئرلشدیگی ماوزوله نی زیارت ائدهجک.
پرزیدنت کوللیه سینده، تورکیه ساعاتی ایله 18.00ده ایسه چوخ سایدا خاریجی دولت، حکومت، پارلامنت و نماینده هیاتی باشقانلارینین یانی سیرا، تورکیهنین بوتون قوروپلارینی تمثیل ائدن دعوت ائدیلنلرین قاتیلیمییلا، پرزیدنت وظیفهیه باشلاما مراسیمی کئچیریلهجک.
بو چرچیوهده، بولغاریستان پرزیدنتی رومان رودف، گورجوستان پرزیدنتی گیورگی مارگولاشویلی، مقدونیه پرزیدنتی گئورگ ایوانوو، مولدووا پرزیدنتی ایگور دودون، بوسنی و هرزگووئین پرزیدنت شوراسینین باشقانی بکیر عزت بگوویچ، صربیستان پرزیدنتی آلکساندر وویچ، کوسووو پرزیدنتی هاشیم تاچی، قطر امیری شیخ تمیم بن حمد آل ثانی، پاکیستان پرزیدنتی ممنون حسین، قوزئی قیبریس پرزیدنتی مصطفی آکینجی، قیرقیزیستان پرزیدنتی سورانبای جینبکاو، سودان پرزیدنتی عمر البشیر، گینه پرزیدنتی آلفا کنده، زامبیا پرزیدنتی ادگار لونگو، گینه بیسائو پرزیدنتی جوزف ماریو فاز، اکوادور گینه پرزیدنتی تئودورو اوبیانگ، سومالی پرزیدنتی محمد عبدالله محمد فرماجو، موریتانیا پرزیدنتی محمد اولد عبدالعزیز، گابون پرزیدنتی علی بونگو اوندیمبا، چاد پرزیدنتی ایدریس دبی ایتنو، جیبوتی پرزیدنتی اسماعیل عمر جیله، ونزوئلا پرزیدنتی نیکولاس مادورو تورکیهیه گلهجک.
بو مراسیمین آردیندان پرزیدنت اردوغان، قوناغی اولان دولت، حکومت و پارلامنت باشقانلارینا آخشام یئمگی وئرهجک.