اردوغان ترامپ ایله گؤروشه‌جک

جمهورباشقانی رجب طیب اردوغان ایله آمریکا باشثانی دونالد ترامپ آراسین‌دا گؤروشمه ائدیلمه‌سی اوچون چالیشما باشلادیلدی.

آغ ائو سؤزچوسو سارا سندرز، آغ ائوده‌کی گونده‌لیک مطبوعات کنفرانسیندا، گوندمه باغلی دانیشدی.

سندرز، تورکیه‌ده‌کی ۲۴ ژوئن سئچیم نتیجه‌لریندن سونرا آمریکا باشقانی دونالد ترامپین پرزیدنت رجب طیب اردوغان ایله ائدجگی گؤروشمه اوچون حاضرلیقلارین داوام ائتدیگینی بیلدیردی.

"گوجلو ایلیشکیلریمیزی بیر داها وورغولاماق اوچون باشقان ترامپ ایله تورکیه پرزیدنتی رجب طیب اردوغان آراسین‌دا گؤروشمه دوزنله‌مک اوزره چالیشیریق" ایفاده‌لرینی ایشلدن سندرز، تورکیه‌یه ایکیلی ایلیشکیلرده‌کی مسئله‌لرین حلین‌ده ایرلیله‌ییش تامین ائتمه‌یی اومود ائتدیکلرینی دئدی.

سندرز، گؤروشمه‌نین نه واخت گئچیریله‌جگینه دایر معلومات وئرمه‌دی.

سئچیم ظفرینین آردین‌دان پرزیدنت اردوغان، آرالارین‌دا اینگیلتره و آلمانیانین دا اولدوغو بیر چوخ اؤلکه لیدئرین‌دن تبریک تلفنی آلدی.