اردوغان، 5 ژوئن دونیا چئوره گونو موناسیبتیله مساژ یاییب
اردوغان، "سوردورولهبیلیر قالخینما سیاستلری معین ائدرکن، طبیعت وارلیقلارینین قورونماسی، پلانلی شهرلشمه، مئشچیلیک کامپانیالاری و چئورهنین چیرکلنمهسی اؤنونه کئچهجک پروژهلرین نظره آلینماسی بؤیوک اهمیت داشیییر" - دئدی
تورکیه جمهورباشقانی رجب طیب اردوغان، قلوبال ایستیلشمه، قوراقلیق، سوسوزلوق، چؤللشمه، بیولوژی چئشیتلیلیگین آزالماسی و بعضی جانلی نوعولارینین مهو اولماسی کیمی جیدی چئوره پروبلملرینین، بوتون دونیانین اورتاق مسئلهسی اولدوغونو بیلدیریب.
اردوغان، 5 ژوئن دونیا چئوره گونو موناسیبتیله مراجعت یاییب.
مساژیندا، بشریتین گلهجگینی تهدید ائدن چئوره پروبلملرینین حلّینده، اولوسلار آراسی امکداشلیغینا ایشاره ائدن اردوغان،
"سوردورولهبیلیر قالخینما سیاستلری معین ائدرکن، طبیعت وارلیقلارینین قورونماسی، پلانلی شهرلشمه، مئشچیلیک کامپانیالاری و چئورهنین چیرکلنمهسی اؤنونه کئچهجک پروژهلرین نظره آلینماسی بؤیوک اهمیت داشیییر" - دئدی.
اردوغان، چئوره پروبلملری موضوعسوندا آپاریلان ایشلرین داوامچیسی اولان تورکیهنین، اولوسلار آراسی موقاویلهلر چرچیوهسیندکی مسئولیتلرینین ده شعورو ایله، ایقتیصاد، شهرلشمه، انرژی و داها بیر چوخ ساحهده چئورهنین قورونماسینی اؤن پلانا چیخاران سیاست یئریتمکده اولدوغونو ایفاده ائتدی.
اردوغان،
"گلهجکده آجلیق و یوخسوللوق حاللارینین مینیموما ائندیریلمهسی، گلهجک نسیللرین داها یاشیل بیر دونیادا باریش و امین-آمانلیق شرایطینده یاشاماسی، بو گوندن آتیلاجاق بوتون جانلیلارین اورتاق ثروتی اولان طبیعت وارلیقلارینین قورونماسی، چئوره حساس آددیملارلا مومکون اولاجاقدیر. بیولوژی چئشیتلیگین قورونماسی، طبیعی ثروتلرین سوردورولهبیلیر دوشونجهسی ایله ایداره اولوندوغو، چئوره ایله دوست، پلانلی کندلشمهنین اساس آلیندیغی و چئورهنین چیرکلندیریلمهسینین قارشیسینین آلیندیغی بیر گلهجک اوچون اوّلجه چئوره موضوعسونداکی حساسلیغین و شعورون آرتیریلماسی لازیمدیر" ایفادهلرینی ایستیفاده ائتدی.
اردوغان، طبیعت وارلیقلارینین و شهرلرین طبیعی وارلیغینی قوروماق، چئوره حساسلیغینی آرتیرماق اوچون سیویل توپلوم تشکیلاتلاری، مئدیا اورقانلاری، تحصیل موسسیسهلری و وطنداشلارین امکداشلیغینین بؤیوک اهمیت داشیدیغینی بیلدیریب.
اردوغان مساژیندا، دونیا چئوره گونونون چئوره پروبلملری موضوعسونداکی اجتماعی بیلینجین آرتماسینا هدیه وئرمهسینی آرزو ائدهرک، گلهجک نسیللره داها یاشیل بیر دونیا قویماق اوچون هر کسی دقتلی اولماغا چاغیردی
ایلگیلیلی خبرلر
هاکان فیدان، آنتونی بلینکن ایله تلفوندا دانیشیب
الده ائدیلن معلوماتا گؤره، گؤروشده غزهدهکی سون حادثهلر و اوکراینداکی وضعیت موذاکیره ائدیلیب
پکاکالی ۱۲ تروریست ضررسیزلشدیریلدی
"بؤلگهده تک بیر تروریست قالمایینجایا قدر سۆرهکلی عملیاتلارا داوام ائدجییک"