اردوغان گوندمی دگرلندیردی
"اؤلکه‌میزین تهدید آلتین‌دا اولماسینا تحملوموز یوخ"
جمهورباشقانی رجب طیب اردوغان، آوروپا اؤلکه‌لرینین دموکراسی مسئله‌سین‌ده تورکیه‌یه ایکی‌لی ایستاندارد تطبیق ائتدیکلرینی وورغولادی.
اردوغان، ایکی اؤزل تلویزیونون اورتاق یایینلادیغی بیر پروگرام‌دا،
"بو آندا بیز آوروپا بیرلیگینه قارشی اوزریمیزه دوشن وظیفه‌لرین هامی‌سینی دقیق شکیلده یئرینه یئتیریریک. آنجاق آوروپا بیرلیگی اؤز اوزرینه دوشن وظیفه‌لری یئرینه یئتیرمیر. بیز خوش نیتله بو ایشی آپاراجاییق و آددیملاریمیزی آتاجاییق. تورکیه‌یه قارشی بیر یاخشی نیتلری وارسا، بونو حل ائتمه‌لری لازیم‌دیر. عکس تقدیرده بیز چؤزوم نقطه‌سی آختاراجاییق. بو چؤزون آنجاق آوروپا بیرلیگین‌ده اولار دئیه بیر شئی یوخ" دئدی.
سلاح‌لی اینسان‌سیز هاوا آراجین‌دا (سیها) دونیادا ایلک ۶ اؤلکه‌دن بیریییک دئین اردوغان، تورکیه‌نین میلی عاغیل‌لی بومبالار اورتیر حالا گلدیگینی ده سؤیله‌دی.
سینیر اؤته‌سی تروریزمله مباریزه مسئله‌سین‌ده یئنی بیر عملیاتین سؤز قونوسو اولوب اولمادیغی سوالینا ایسه اروغان،
"احتیاج دویولدوغو آندا ائدریک. کیمسه‌دن ده ایجازه آلماریق. بو ایستر قوزئی سوریه‌ده اولسون، ایستر قوزئی عراق‌دا. اؤلکه‌میزین تهدید آلتین‌دا اولماسینا تحملوموز یوخ" جاوابینی وئردی.
پرزیدنت اردوغان، آیریجا، یئرلی اتومبیلین باشقانین دا بللی اولدوغونو آچیقلادی.
