اردوغان: ایسرائیلین ائتدیگی ظلمو و بونا سس‌سیز قالان‌لاری لعنتلییرم
اردوغان، ایسرائیل دولت ترورو حیاتا کئچیریر. ایسرائیل، ترور دولتی‌دیر" دئیه‌رک، تورکیه‌نین فیلیسطینلی قارداش‌لاری‌نین یانیندا اولماغی قطعیتله داوام ائتدیرجگینی وورغولاییب
تورکیه باشقانی رجب طیب اردوغان، ایسرائیلین فیلیسطین‌لی‌لره تطبیق ائتدیگی ظلمو،
بو سویقیریمی و بونا سس‌سیز قالان‌لاری لعنتلییرم" سؤزلری ایله قیمتلندیریب.
رسمی زیارت اوچون اینگیلتره‌ده اولان اردوغان، بورادا تورک طلبه‌لره مراجعت ائدیب.
آمریکانین ایسرائیل سفیرلیگی‌نین قودسه داشینماسی زامانی اونلارلا فیلیسطینلینین ایسرائیل عسگرلری شهید ائدیلمه‌سینه اعتراض وئرن اردوغان،
ایسرائیل دولت ترورو حیاتا کئچیریر. ایسرائیل، ترور دولتی‌دیر" دئیه‌رک، تورکیه‌نین فیلیسطینلی قارداش‌لاری‌نین یانیندا اولماغی قطعیتله داوام ائتدیرجگینی وورغولاییب.
پرزیدنت اردوغان، "بو گون ایسرائیل ترورونا قوربان وئردیگیمیز غزه شهیدلریمیزه، فیلیسطینلی شهیدلریمیزه اوجا مولادادان رحمت نیاز ائدیرم. عینی سالدیری‌لاردا یارا‌لانان فیلیسطینلی قارداش‌لاریما عاجیل شفا‌لار آرزو ائدیرم." دئدی.
فیلیسطینده بو گون باش وئرن حادثه‌لرده 2 مین 500 جیوار‌لاریندا فیلیسطینلینین یارالاندیغینی بیل‌دیرن اردوغان، یارا‌لی‌لار آراسیندا چوخ معنادا اولان‌لارین دا اولدوغونو و درمان چات‌دیرماقدا دا چتین‌لیک چکدیک‌لرینی سؤیله‌دی.
پرزیدنت اردوغان،
من بو اینسان‌لیق درامینی هانسی طرف‌دن اولورسا-اولسون، ایستر آمریکا، ایستر ایسرائیل لعنتلییرم و بونا سس‌سیز قالان‌لارا دا قوصورا باخمایین، اونلاری دا لعنتلییرم. شو آندا ایسرائیل دولت ترورو حیاتا کئچیریر. ایسرائیل، ترور دولتی‌دیر و بیر ترور دولتی اولا‌راق دا حاضیردا آتدیغی آددیم‌لارلا بونو ثبوت ائدیر.
تأسف کی آمریکا، (سوریه‌ده، بؤلوچو ترور تشکیلاتی) پ.ی.د، ی.پ.گ ایله بیرلیکده داعشه قارشی موباریزه ائتدیگینی سؤیله‌یه‌رک نئجه امکداش‌لیق ائدیرسه ائله بورادا دا تأسف کی ایسرائیل ایله آمان‌سیز بیر شکیلده ایش بیرلیگینه گیرمیش‌دیر. ایسرائیلین تؤرتدیگی بیر سویقیریم‌دیر و بو سویقیریمی ایلک دفعه بو گون گؤسترمیر. 1948دن اعتباراً بیلیرسینیز، بو ایشغال داوام ائدیر و آزالا آزالا آزالا فیلیسطین بوگونکو بیر اوووج یئرده قالدی. ایندی ده بورا‌دان آتماغین تلاش‌لاری ایچری‌سینده‌دیرلر. غیری-قانونی قرارا قارشی یالنیز دموکراتیک حقوقون‌دان ایستیفاده ائدن وطنداش‌لارا یؤنه‌لیک بو سالدیری‌لار بیر داها ایسرائیلین چیرکین اوزونو اورتایا قویموش‌دور." دئیه دانیشدی.
سالدیری خبرینی قبول ائتدیک‌دن سونرا باش ناظیر بینا‌لی ییل‌دیریم و دیگر ماراق‌لی‌لارلا گؤروشمه‌لر کئچیردیک‌لرینی دیله گتیرن اردوغان، بئله داوام ائتدی:
ایستیشاره‌لریمیز نتیجه‌سینده تورکیه اولا‌راق باش وئرن وحشی‌لیگه اعتراضمیزی اورتایا قویماق اوچون بعضی قرارلار آلدیق. فیلیسطینلی قارداش‌لاریمیزلا همرای‌لیک اوچون اؤلکه‌میزده صاباح‌دان باشلاماق اوچون 3 گون میللی ماتم اعلان ائتدیک. همچینین صدرلیک ائتدیگیمیز ایسلام امکداش‌لیق تشکیلاتینی دا فوق ا‌لعاده توپلانتییا چاغیریریق. جمعه گونو سحردن گونورتایا قدر غیری-عادی ایجلاسیمیزی کئچیرجگیک، گونورتا‌دان سونرا دا یئنی‌کاپی میدانینده بؤیوک گؤروشمه‌میزی ظلمه قارشی اینشالله رئاللاشدیراجاغیق.
بونونلا یاناشی، بیرلشمیش میللت‌لر عمومی قورولونو دا عاجیل اولا‌راق ییغمایا دعوت ائدیریک. اینشالله صاباح تورکیه بؤیوک میللت مجلیسیمیز ده خصوصی گوندمله توپ‌لانا‌جاق. همچینین فیلیسطینلی قارداش‌لاریمیزلا همرایلیگیمیزی گؤسترمک اوچون جمعه گونو آتاجاغیمیز آددیمی ایستانبولدا ائدرکن، بازار گونو ده دیاربکیرده میتینق‌لر کئچیرجگیک و بو، بیر سیرا حالیندا داوام ائده‌جک. ایسلام امکداش‌لیق تشکیلاتی کیمی رمضان آیی عرضینده عضو اؤلکه‌لرده فیلیسطینلی قارداش‌لاریمیز اوچون یاردیم اعتراضی کئچیرجگیک".
قیزیل آی‌ین 100 مین دو‌لارلیق عاجیل آلیم آلاراق، غزّز‌دکی خسته‌خانا‌لارا یاردیم‌لاری چیخارماغا باشلادیغینی دیله گتیرن پرزیدنت اردوغان،
عاجیل یاردیم و باش قرارگاه باشقانیمیزین قووردیناسیوندا غزه‌‌دکی یارا‌لی‌لارین تخلیه اوچون لازیمی ایشلره باشلادیق." دئدی.
ایلگیلی‌لی خبرلر
هاکان فیدان، آنتونی بلینکن ایله تلفوندا دانیشیب
الده ائدیلن معلوماتا گؤره، گؤروشده غزه‌ده‌کی سون حادثه‌لر و اوکراینداکی وضعیت موذاکیره ائدیلیب
پ‌کاکا‌لی ۱۲ تروریست ضررسیزلشدیریلدی
"بؤلگه‌ده تک بیر تروریست قالمایینجایا قدر سۆره‌کلی عملیاتلارا داوام ائدجییک"
