اردوغان، ایستانبولدا زیتون دالی باریش موکافاتلاری مراسیمینده دانیشدی
اردوغان چیخیشیندا، فیلیسطین و قودس مسئلهسی، سادهجه، بیر میللتین، بیر جوغرافیانین، بیر شهرین دعواسی دئییل. معروض قالدیقلاری ظلملر، قیرغینلار، عدالتسیزلیکلر سببیله بوتون مظلوملارین سمبولو اولدوغونو وورغولاییب
تورکیه جمهوریباشقانی رجب طیب اردوغان، فیلیسطینلیلرین بوتون مظلوملارین سمبولو اولدوغونو دئدی.
اردوغان، ایستانبولدا زیتون دالی باریش موکافاتلاری مراسیمینده دانیشدی.
اردوغان چیخیشیندا، فیلیسطین و قودس مسئلهسی، سادهجه، بیر میللتین، بیر جوغرافیانین، بیر شهرین دعواسی دئییل. معروض قالدیقلاری ظلملر، قیرغینلار، عدالتسیزلیکلر سببیله بوتون مظلوملارین سمبولو اولدوغونو وورغولاییب.
اردوغان،
"بیز بشریتین خصوصیله باریش مرکزی اولماسی لازیم اولان فیلیسطینین و قودسون آدینی ظلمله یاناشی یازان ایسرائیل رهبرلیگیندن ایکی جهاندا دا داعواچی اولاجاغیق" دئدی.
بیرلشمیش میللتلرین دونیاداکی پروبلملره چاره تاپمادیغینی وورغولایان اردوغان، بیر داها "دونیا 5دن بؤیوکدور" دئدی.
اردوغان،
"دوغرو اولانی سون نفسیمیزی وئرنه قدر قورویاجاغیق. دونیاداکی بوتون اؤلکهلرین امنیتینی یالنیز 5 اؤلکهنین ماراغینا و حتی کفینه قویان بیر سیستمین داواملیلیغی یوخدور. آرتیق بمت-نین اصلاحاتا ائدیلمهسی اولمازسا اولمازدیر" شکلینده دانیشدی.
اردوغان،
"الجزایرده فرانسیزلار 5 میلیون موسلمانی اورادا قتله یئتیردیلر. لیبیده عینی فرانسیزلار اورادا دا یئنه بؤیوک بیر قتل عام ائتدیلر. دونیانین سسی چیخمادی. بو هر زامان عینی اویون صاباح دا عینی اولاجاق. چونکی قورولوش بو، سناریو بو" ایفادهلرینی ایستیفاده ائتدی.
اردوغان، بشریتین گلهجگینی، فیلیسطین و قودس مسئلهسینده وئردیگی ایمتحاندا الده ائدجکی نتیجهنین معین ائدجگینی بیلدیریب.
اردوغان،
"اگر بو ایمتحاندان، آلنیمیز آچیق چیخابیلسک، بشریت اولاراق گلهجگیمیزه ایناملا و اومیدله باخابیلیریک" دئدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی