تورکیه 1915 حادثه لری ایله باغلی ترامپین آچیقلاماسینا رئاکسیا گوستردی
تورکیه امریکانین پرزیدنتی دونالد ترومپین 1915-جی ایل حادثهلری ایله باغلی وئردیگی یازیلی آچیقلاماسینداکی ایفادهلره و سوبیئکتیو تاریخ شرحه رئاکسیا گؤستردی.
تورکیه امریکانین پرزیدنتی دونالد ترومپین 1915-جی ایل حادثهلری ایله باغلی وئردیگی یازیلی آچیقلاماسینداکی ایفادهلره و سوبیئکتیو تاریخ شرحه رئاکسیا گؤستردی.
تورکیه خاریجی ایشلر ناظیرلیگی امریکا پرزیدنتی دونالد ترامپین 1915-جی ایل حادثهلری ایله باغلی 24 آوریل 2018-جی ایل تاریخینده وئردیگی یازیلی آچیقلاماسیندان سونرا بیانات یایدی.
بیاناتدا دئییلیر: " امریکا پرزیدنتی دونالد ترامپین 1915-جی ایل حادثهلری حاقیندا 24 آوریل 2018-جی ایل تاریخیندکی یازیلی آچیقلاماسیندا اولان یانلیش ایفادهلری و سوبیئکتیو تاریخ شرحی رد ائدیریک.
بو چرچیوهده پرزیدنت ترامپا همین دؤورده ارمنی قیامچیلارینین ایشتیراک ائتدیگی حادثهلرده 500 میندن چوخ مسلمانین قتل ائدیلدیگینی خاطیرلادیریق. تورکیهنین اورتاق تاریخ کمیسیونونون یارادیلماسی و تاریخین بو آغیر دؤورونون ایشیقلاندیریلماسینا دایر تکلیفی قوهدهدیر، آرشیولر تدقیقاتچیلارین ایستیفادهسی اوچون آچیقدیر.
امریکا رهبرلیگینه جمهور باشقانی رجب طیب اردوغانین عثمانلی ارمنیلرینین نوهلرینه خطابن تورکیهنین بو حساس مسئلهیه دایر موناسیبتینی عکس ائتدیرن 24 آوریل 2018-جی ایل تاریخلی مراجعتینی نظره آلمالارینی توصیه ائدیریک. بوتون بو مقاملارلا یاناشی، امریکا پرزیدنتینین آچیقلاماسیندا بو مسئله ایله باغلی اولوسلار آراسی حقوق نورمالارینا ریاعت ائدیلمهسینین و اساسسیز سویقیریم ادعالارینین ایفاده ائدیلمهمهسینین ساغلام دوشونجهیه اویغون بیر داورانیش اولدوغونو دوشونوروک".
قئید ائدک کی. امریکا پرزیدنتی دونالد ترامپ ارمنیلر طرفیندن 1915-جی ایل حادثهلرینین ایلدؤنومو کیمی قبول ائدیلن 24 آوریل ایله باغلی یازیلی آچیقلاماسیندا کئچن ایل اولدوغو کیمی اؤتن گونده ده ارمنی دیلینده "بؤیوک فلاکت" معناسینا گلن "meds yeghem" ایفادهسینی ایشلدیب.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.