بینالی ییلدیریم مقدونیه پرزیدنتی ایله گؤروشدو
تورکیهنین باش ناظیری بینالی ییلدیریم 21-جی آوراسیا ایقتیصادیات ذیروهسی چرچیوهسینده تورکیهیه سفر ائدن مقدونیه پرزیدنتی گئورگ ایوانوف ایله بیر آرایا گلدی.
949961
تورکیهنین باش ناظیری بینالی ییلدیریم 21-جی آوراسیا ایقتیصادیات ذیروهسی چرچیوهسینده تورکیهیه سفر ائدن مقدونیه پرزیدنتی گئورگ ایوانوف ایله بیر آرایا گلدی.
باش ناظیرلیکدن وئریلن معلوماتا گؤره، ایستانبولدا کئچیریلن گؤروشده ایکی اؤلکه آراسیندا سیاسی سویه ده اولان یاخین دوستلوق و امکداشلیق موناسیبتلری وورغولانیب.
گؤروشده مقدونیه-ده یاشایان تورکلرین و تورکیهده یاشایان مقدونیه منشألی وطنداشلارین ایکی اؤلکهنی بیر-بیرینه داها دا یاخینلاشدیردیغی بیلدیریلیب.
گؤروشده ایکی طرفلی علاقهلرین هر ساحهده اینکیشاف ائتدیریلمهسی ایستیقامتیندکی اورتاق ایراده تصدیق ائدیلیب، بولگه سل امکداشلیغا، بو ایستیقامتده حیاتا کئچیریلن لاییحهلره، بوسنی و هرزگوین-ین آوروپا بیرلیگی و ناتو-یا اینتقراسیون پروسئسلرینه وئریلن دستکین داوام ائدجگی قئید ائدیلیب.