اردوغان، پوتین و روحانینی آغیرلایاجاق

سوریه قونوسوندا اوچلو ذیروه، جمهورباشقانی رجب طیب اردوغان، روسیا پرزیدنتی ولادیمیر پوتین و ایران پرزیدنتی حسن روحانینین ایشتیراکی ایله آوریلین ۴ده آنکارادا کئچیریله‌جک.

جمهورباشقانلیغی مطبوعات مرکزین‌دن وئریلن معلوماتا گؤره، روسیا-تورکیه یوکسک سویه‌لی ایشبیرلیگی شوراسینین یئددینجی اوتورومو، اردوغان و پوتینین ائش باشقانلیغیندا ایلگیلی باخانلارین دا ایشتیراکی ایله، ۳ آوریل‌ده آنکارادا کئچیریله‌جک.

توپلانتیدا، تورکیه-روسیا ایکی‌لی ایلیشکیلرین بوتون یؤنلری ایله گئنیش شکیل‌ده مذاکیره اولوناجاق. آیراجا بؤلگه‌سل و اولوسلارآراسی مسئله‌لر حاقین‌دا دا فیکیر مبادیله‌سی آپاریلاجاق.

پوتینین سفری چرچیوه‌سین‌ده همین گون آککویو نوکلئر گوج مرکزینین رسمی تمل قویما مراسیمی کئچیریله‌جک.

دیگر طرف‌دن، سوریه قونوسون‌دا اوچلو ذیروه، اردوغان، پوتین و روحانینین ایشتیراکی ایله ۴ آوریل چرشنبه گونو آنکارادا کئچیریله‌جک.

ذیروه چرچیوه‌سین‌ده اردوغان و روحانی آراسین‌دا ایکی‌لی گؤروشون کئچیریلمه‌سی ده نظرده توتولور.

گؤروشلرده ایکی‌لی ایلیشکیلرله یاناشی، بؤلگه‌سل و اولوسلارآراسی مسئله‌لر باره‌ده ده فیکیر مبادیله‌سی آپاریلاجاق.