لیدئرلر ایستانبولدا بیر آرایا گلهجک
لیدئرلر، لازیم اولاندا یئنیدن بیر آرایا گلمهیی قرارلاشدیرمیشدی
سوریه مسئلهسینین مذاکیره اولوناجاغی تورکیه-روسیا-ایران لیدئرلر ذیروهسینین ۴ آوریلده ایستانبولدا ائدیلمهسی پلانلاشدیریلیر.
دیپلوماتیک قایناقلاردن آلینان معلوماتا گؤره، پرزیدنت رجب طیب اردوغانین ائو صاحبلیگینده دوزنلهنهجک ذیروهده، سوریهنین یانی سیرا باشقا بؤلگهسل مسئلهلرین ده دگرلندیریلمهسی نظرده توتولور.
پرزیدنت اردوغانین، روسیا پرزیدنتی ولادیمیر پوتین و ایران پرزیدنتی حسن روحانی ایله ۸ فوریهده آیری آیری ائتدیگی تلفن دانیشیقلاریندا، ایلک دفعه (روسیا) سوچیده گئچیریلن لیدئرلر ذیروهسینین، ایکینجیسینین ایستانبولدا گئچیریلمهسی قرارا آلینمیشدی.
۲۲ نوامبردا گئچیریلن ایلک ذیروه گؤروشمهسینین سونوندا یاییملانان "تورکیه، ایران و روسیا دؤولت باشقانلارینین بیرگه آچیقلاماسیندا"، سوریهنین اگمنلیگینه، مستقیللیگینه، بیرلیگینه و تورپاق بوتؤولوگونه اولان قوتلی تعهدلار تصدیق ائدیلمیش، آستانا پروسهسی نتیجهسینده سوریهده گرگینلیگی آزالتما بؤلگهلرینین تاسیس ائدیلمهسی و اختلافین چؤزومونه قارشی هئچ بیر سیاسی تشبوثون اؤلکهنین اگمنلیگینی، مستقیللیگینهی، بیرلیگینی و تورپاق بوتونلوگونو هئچ بیر صورتله ضرره معروض قویمایاجاغی وورغولانمیشدی.
لیدئرلر، لازیم اولاندا یئنیدن بیر آرایا گلمهیی قرارلاشدیرمیشدی.
۴ آوریلده کئچیریلمهسی پلانلاشدیریلان لیدئرلر ذیروهسیندن بیر گون اول ده تورکیه-روسیا یوکسک سویهلی امکداشلیق شوراسینین توپلانتیسینین گئچیریلمهسی نظرده توتولور.
روسیا پرزیدنتی پوتین ایلک دفعه اولاراق بو توپلانتییا،آردیندان دا لیدئرلر ذیروهسینه قاتیلاجاق.
ایلگیلیلی خبرلر
هاکان فیدان آوروپا اؤلکهلرینی فیلیسطینی تانیماغا چاغیریب
خاریجی ایشلر ناظیری هاکان فیدان آوروپا اؤلکهلرینی فیلیسطینی دؤولت کیمی تانیماغا چاغیریب.