پ.ی.د/ی.پ.گ-نین اینسان حاقلاری پوزونتولاری
پ.ک.ک/ک.ج.ک تشکیلاتیندان گونوموزه قدر، شرقی و جنوب-شرقی آنادولو بؤلگهلرینده یاشایان وطنداشلارا باسقی و زوراکیلیق ایجرا ائدهرک بؤلگه خالقینی تشکیلاتا دستک قیلما ایستراتژیسی توتور
پ.ی.د/ی.پ.گ-نین اینسان حاقلاری پوزونتولاری
پ.ک.ک/ک.ج.ک تشکیلاتیندان گونوموزه قدر، شرقی و جنوب-شرقی آنادولو بؤلگهلرینده یاشایان وطنداشلارا باسقی و زوراکیلیق (کند باسقینلاری، سوی-قصدلر، مجبوری کؤچه تابع توتما، ساخلاما، قورخوتما، و س). ایجرا ائدهرک بؤلگه خالقینی تشکیلاتا دستک قیلما ایستراتژیسی توتور. تشکیلاتین سوریه داوامی اولان پ.ی.د/ی.پ.گ ده عینی ایستراتژی سوریهده یاشایان خالقلارا حیاتا کئچیریر.
پ.ی.د/ی.پ.گ ترور تشکیلاتی منطقهده تک حاکم گوج اولماق مقصدیله بؤلگهده یاشایان کوردلر، عربلر، تورکمنلر، ایزدیلر کیمی اتنیکلره قارشی اتنیک تمیزلمه داخیل اولماقلا بؤیوک اینسانلیق جینایتلری ایشلمکدهدیر. سؤز قونوسو پوزونتولار، اولوسلار آراسی اینسان حاقلاری قوروملاری طرفیندن موشاهیده ائدیلمیش و بو حرکتلر راپورلارا عکس اولونموشدور. بؤلگهدن پ.ی.د/ی.پ.گ ترور تشکیلاتینین شدتی سببی ایله بیر چوخ یئرلی خالق مجبوری کؤچه تابع توتولموش، یئرلریندن اوزاقلانشدیریلمیشدیر. پ.ی.د/ی.پ.گ-نین ظلموندن قاچانلار تورکیهنین سوریهلیلره آچیق قاپی سیاستی دوغرولتوسوندا تهلوکهسیز اؤلکه اولاراق اؤلکهمیزی ترجیح ائتمیشلر. پ.ی.د/ی.پ.گ-نین تؤرتدیگی بو قدر اینسان حاقلاری پوزونتولارینا باخمایاراق، تشکیلاتین (سؤزده) داعش ایله موباریزه آپاران یگانه تشکیلات تبلیغاتینا معروض قالان و ترور تشکیلاتینا خاریجی دستک اولون اولوسلار آراسی گوجلرین سؤز قونوسو اینسان حاقلاری پوزونتولارینا گؤز یومدوغو گؤرولموشدور. داعشله (سؤزده) موباریزه آدی آلتیندا الده ائدیلن سیلاح و مهماتلارین چوخو بؤلگهده یاشایان کوردلر، عربلر، تورکمنلر کیمی خالقلارین تشکیلات قارشیسیندا یوخ ائدیلمهسی مقصدیله ایستیفاده ائدیلمیشدیر.
مسئلن، سوریه اینسان حاقلاری تشکیلاتی (SNHR) طرفیندن ژانویه 2016دا نشر اولونان راپوردا، پ.ی.د/ی.پ.گ-نین، گونترولونداکی بؤلگهلرده اتنیک تمیزلمهدن اؤزباشینا توتماغا، زورلا عسگره آلماقدان کؤچورمهیه قدر بیر چوخ اینسان حاقلاری پوزونتوسو تؤرتدیگی تثبیت ائدیلمیشدیر. راپورون درج اولوندوغو تاریخه قدر 51ی اوشاق، 43و قادین و ایشگنجه آلتیندا اؤلن 16 نفر داخیل اولماقلا ان آز 407 سیویلین پ.ی.د/ی.پ.گ طرفیندن اؤلدورولدوگو ایفاده ائدیلمیشدیر.
اینسان حاقلاری ایزلمه تشکیلاتینین (HRW)، ژوئن 2014ده ائتدیگی “Under Kurdish Rule: Abuses in PYD-Run Enclaves of Syria” آدلی باشقا بیر راپوردا دا؛ پ.ی.د/ی.پ.گ ترور تشکیلاتینین سیاسی جهتدن اؤزونه رقیب گؤردوگو آداملارا قارشی ساخلاما، قاچیرما و اعدام ائتمهلری تئز-تئز حیاتا کئچیردیگی وورغولانمیشدیر خصوصیله پ.ی.د-یه موخالیف پارتیلر اولان سوریه کورد دموکرات پارتیسی (PDKS)، یکیتی و آزادی عضولرینه قارشی پیس رفتار و اؤزباشینا حبس ائدیلدیگی راپوردا بیلدیریلیر.
پ.ی.د/ی.پ.گ-نین اتنیک تمیزلمهیه گلن اینسان حاقلاری پوزونتولارینا نومونهلر وئرک؛
موخالیفلره یؤنلیک اعداملار
سوریهده آلترناتیو قورماغا ایجازه وئرمهین ترور تشکیلاتی پ.ی.د/ی.پ.گ، موخالیفلره یؤنلیک اعدام ائیلملری حیاتا کئچیریب.
پ.ی.د/ی.پ.گ ترور تشکیلاتی اعداملارینا اوکتوبر 2011-جی ایلده سوریهدکی موخالیف کوردلردن عبارت اولان گلهجگین پارتیسینین لیدری میسل تئمو-یا قارشی سوی-قصدله باشلامیشدیر. رژیم ایله بیرلیکده حرکت ائتدیگی قیمتلندیریلن ترور تشکیلاتی اعدامین تاشرونلوغونو ائدهرک بؤلگهدکی چوخو کوردون اعتراضی ایله قارشیلاشمیشدیر.
پ.ی.د/ی.پ.گ-نین بو سوی-قصدینین آردیندان موخالیفلره قارشی سالدیریلار داوام ائتمیشدیر. طایفه لیدری عبدالله بدرو و سوریه کوردلری دموکراتیک بیرلیک پارتیسی حلب سوروملوسو شرزاد حاج رشید ترور تشکیلاتینین سوی-قصد ایشلری نتیجهسینده اؤلدورولموشدور.
بوندان باشقا، سوریه کوردوستان دموکرات پارتیسی صدری سالاح بدرالدین، ترور تشکیلاتینین باسقیسی اوزوندن آلمانیا اوزریندن اربیله قاچماق مجبوریتینده قالمیشدیر.
سوریهده ساواش اؤنجهسی 12 کورد قروپ وار ایندی یالنیز پ.ک.ک/پ.ی.د وار. یوز مینلرله کورد باسقیدان اؤتورو پ.ک.ک/پ.ی.د گونترولونداکی بؤلگهلردن کؤچ ائتمک مجبوریتینده قالمیشدیر. تورکیهیه 350 مین سوریهلی کورد سیغینمیش و حاضیردا تورکیهده یاشاییرلار.
بونونلا یاناشی، آمودهده 27 ژوئن 2013 تاریخینده، پ.ی.د/ی.پ.گ علیهینه بیر تاماشادا، پ.ی.د/ی.پ.گلی ترورچولار گؤستریچیلرین اوزرینه آتش آچمیش و اوچ گونده 8 گؤستریچی اؤلموشدیر. عینی شوو زامانی ایسه 50 یکیتی پارتیسی عضوو پ.ی.د/ی.پ.گ-لیلر طرفیندن ی.پ.گ بیناسینا آپاریلاراق دؤولموشدور.
حبس اولونان و یا حبس ائدنلره قارشی پوزونتولار
ترور تشکیلاتینین پولیس تشکیلاتی آدلاندیردیغی "آساییش" طرفیندن ائدیلن پوزونتولار، اینسان حاقلاری ایزلهمه تشکیلاتلارینین راپورلاریندا اؤزونه یئر تاپمیشدیر. ساخلانیلان شخصلرین ساخلانیلدیقلاری زامانی ایشگنجه و پیس رفتارا معروض قالدیغی، بیر چوخونون بو زامان اؤلدوغو معین ائدیلمیشدیر. HRW راپورینا گؤره؛ عفرینده ساخلانیلان هانناه هامدوش، بیر مدت سونرا اؤلدورولموش اما پ.ی.د/ی.پ.گ طرفیندن باشینی دیوارا ووراراق اؤلدوگو ایرهلی سورولموشدور. فوریه 2014ده سره کانیه-ده باش وئرن دیگر بیر حادیثه ایسه 24 یاشلی راشوان آتاش، بیر "پولیس" امکداشی طرفیندن اؤلدورولموشدور.
راپورا گؤره؛ 2012-2014 ایللری آراسیندا منطقهده 9 دنه حل اولونامایان جینایت و ایتمه حادثهسی باش وئرمهسی و بو اینسانلارین هامیسینین پ.ی.د/ی.پ.گ موخالیفتچی اولمالاری دا امنیت گوجلرینین اؤزباشینا عمللری بارهده شوبهه دوغورور.
قادینلارا و اوشاقلارا قارشی زوراکیلیق
پ.ی.د/ی.پ.گ ترور تشکیلاتی سوریهده اله کئچیردیگی اراضیلرده حاکمیتینی قوروماق، اؤزونه قارشی چیخان خالقی ایله باریشماق و کادر قازانماق مقصدیله قادینلارا و اوشاقلارا قارشی زوراکیلیغی تئز-تئز ائدیر.
پ.ی.د/ی.پ.گ-نین بو ایجرا ائتمهلری SNHR-نین ژانویه 2016دا درج ائتدیگی راپوردا دا یئر آلمیشدیر. باغلی راپوردا؛ 2011-2016 ایللری آراسیندا 42 قادینین پ.ی.د/ی.پ.گلی ترورچولارلا اؤلدورولدوگو آشکار اولونموشدور. بو قادینلاردان، حلبه باغلی سای گوول کندینده یاشایان نبییه ال سالاح، 14 آوقوست 2015ده پ.ی.د/ی.پ.گلی ترورچولار طرفیندن رقع-تل ابیاد یولوندا 3 گولله ایله وورولاراق اؤلدورولموشدور.
راپوردا دقت چکن دیگر بیر مسئله اولان تارفا خلیل ال حاسود، 58 یاشیندایدی. ارینی اؤلدورن پ.ی.د/ی.پ.گ-لیلردن گیزلنمهیه چالیشارکن اؤز ائویندکی پیهده اؤلدورولوب. همچینین ایلگیلی راپورا گؤره، پ.ی.د/ی.پ.گ ژانویه 2014-اوکتوبر 2015 آراسیندا هاسئکه، قامیشلی، عفرین کیمی بؤلگهلرده "مجبوری سفربرلیک" آدی آلتیندا 88 قادینی ساخلاییب.
اتنیک تمیزلمه و مجبوری کؤچ ائتدیریلمه
پ.ی.د/ی.پ.گ ترور تشکیلاتینین فعال اولدوغو اراضیلرده، چوخ سایدا عرب و تورکمهنین یاناشی سوریهنی، ارمنی و س. اتنیک قروپلار دا وار. اله کئچیردیگی تورپاقلاردا اؤز حاکمیتینی تامین ائتمهیه چالیشان ترور تشکیلاتی، بؤلگهده یاشایان اینسانلاری مجبوری کؤچه تابع توتماقدا، بعضی یاشاییش یئرلرینی داغیداراق دموقرافیا دییشیر.
اینسان حاقلاری سوریه شبکهسی (SNHR) - نین راپوروندا هاسئکهده تخمینن 100 تورکمن عائلهنین زوراکیلیق و باسقیه معروض قالدیغینا یئر وئریلمیشدیر. تورکمنلر، ایلک نوبهده اؤلکهنین موختلیف یئرلرینه کؤچ ائتمک مجبوریتینده قالدیقلارینی و سونرا چتین حیات شرطلری سببیله تورکیهیه سیغینمیشدیلار.
SNHR طرفیندن ژانویه 2016دا حاضیرلانان راپوردا؛ پ.ی.د/ی.پ.گ-نین یاشاییش یئرلرینه گیرهرک، بورالاری خارابا قویدوقلاری کورد اهالیسینین اولمادیغی یئرلرده اتنیک تمیزلمه آپاردیغی، ائولرین داغیدیلدیغی و اینسانلارین دیدرگین دوشدوگو وورغولانیب. راپورا گؤره؛ اکثریتی عرب، اون مینلرله اینسان پ.ی.د/ی.پ.گ طرفیندن یئریندن ائدیلمیش، بیرچوخ کند داغیدیلمیشدیر. بوتون بو ایشلرین، روما آنلاشماسینا8-جی مادهسی اساسیندا؛ ساواش جینایتی، اینسانلیغا قارشی تؤردیلمیش جینایت اولدوغونو و اوتوراق اولوسلار آراسی اینسان حاقلاری حقوقونون پوزولماسی آنلامینا گلدیگینین آلتی چکیلمیشدیر. SNHR طرفیندن حاضیرلانان راپورا گؤره؛ 9 یاشاییش یئرینین هامیسی داغیدیلمیش و ساکینلری یئریندن ائدیلمیش، 19 کند ایسه پارچالی اولاراق یوخ ائدیلمیش، ایستنمهین شخصلر بورالاردان سورگون ائدیلمیشدیر. بونونلا یاناشی؛ پ.ی.د/ی.پ.گ ترور تشکیلاتی اله کئچیردیگی کندلرده؛ اتنیک تمیزلمه آپارماق مقصدیله تهدید و زوراکیلیق یولو ایله کورد اولمایان اهالی یئرلریندن ائدیر. SNHR طرفیندن حاضیرلانان راپورا گؤره؛ ان آزی 49 یاشاییش یئریندن اون مینلرله اینسان سورگون ائدیلمیشدیر.
پ.ی.د/ی.پ.گ ترور تشکیلاتی؛ 26 می 2015ده هاسئکهنین جنوبونداکی 26دان آرتیق کندده یاشایان اینسانلارا بو کندلری آزاد ائتمهلری اوچون 24 ساعت واخت وئردیگینی بیلدیرمیشدیر. بو کندلردن بیرینده یاشایان بیر شاهیدین راپوردا یئر آلان ایفادهسینه گؤره؛ پ.ی.د/ی.پ.گلی ترورچولارین کنده گلمهسیندن اعتباراً عربلره قارشی سالدیرقان موضع ایچریسینده اولموش، (سؤزده) کوردوستاندا عربلره و تورکمنلره یئر اولمادیغی دئییلمیش و بیر چوخ ائو ترورچولارلا یاندیریلمیشدیر. راپوردا یئر آلان دیگر بیر نومونه حادثهده ایسه؛ فوریه 2015ده هاسئکهده یئرلشن 100 تورکمن عائلهسینین اؤزباشینا حبس و موختلیف ایشگنجهلرله یئرلریندن ائدیلمهسی حاقیندادیر. سؤز قونوسو عائلهلر ائولرینی ترک ائدهرک تورکیهیه سیغینمیشدی. اولوسلار آراسی عفو تشکیلاتینین (Amnesty) اوکتوبر 2015ده گؤرگو شاهیدلرینین ایفادهلری، اویدو گؤرونتولری و اوزمان موشاهیدهلرینه اساسلاناراق وئردیگی "گئدهجک باشقا یئریمیز یوخ"( We Had Nowhere Else to Go) باشلیقلی راپوردا دا؛ پ.ی.د/ی.پ.گ ترور تشکیلاتینین تؤرتدیگی اتنیک تمیزلمه، دپورت و یوخ جینایتلری اورتایا قویولموشدور.
تل حامیس کندینده یئرلشن عرب کندی حسینیهده آپاریلان آراشدیرمالار و فلاکت سونراسی گئریده قالمیش کندلیلرله کئچیریلن گؤروشلر راپوردا یئر آلیب. کندین، ژوئنین 2014 و ژوئنین 2015 تاریخلرینده حاللاری اویدو فوتولاری ایله موقاییسهلی اولاراق اورتایا قویولموش و 225 بینالیق کندین 1 ایل ایچریسیند%94و داغیدیلمیش یالنیز 14 بینانین آیاقدا قالدیغی تثبیت ائدیلمیشدیر
اولوسلار آراسی عفو تشکیلاتینین اوزمانی لمان فقیه: "پ.ی.د/ی.پ.گ، وطنداشلارین ائولرینی و کندلری تامامیله یاندیریب یئرله-یکسان ائدیب، ساکینلرینی قانونی هئچ بیر نیظامی بازایا اساسلانمادان یئریندن ائدهرک ساواش جینایتینه تشکیل ائدن سالدیریلارلا اولوسلار آراسی اینسانی حقوقو یوزسوزجه هئچه ساییر.
اوشاق ساواشچیلار
پ.ی.د/ی.پ.گ ترور تشکیلاتی، سوریهده حیاتا کئچیردیگی ترور فعالیتلری چرچیوهسینده اله کئچیردیگی تورپاقلارین تحکّومو مقصدیله چوخ سایدا اوشاغی جرگهلرینه قاتماقدا، موناقیشهلرین قارشی جبههلرینه سورور.
اولوسلار آراسی بیر چوخ موقاویلهده (1949 ساواش زامانیندا سیویللرین قورونماسینا دایر ژنو آنلاشماسی، ژنو سؤزلشمهلرینه علاوه پروتوکول، 1989 بیرلشمیش میللتلر اوشاق حاقلاری سؤزلشمهسی و اوشاق حاقلاری سؤزلشمهسینه علاوه پروتوکول) کئچیردیگی کیمی اوشاق یاشلارین ساواشدیریلماسی یاساقدیر. آنجاق پ.ی.د/ی.پ.گ-نین بو قاداغا پوزولماسی، بیر چوخ موستقیل اولوسلار آراسی قوروم و تشکیلاتین راپورلاریندا یئر آلیب.
بیرلشمیش میللتلر اولوسلار آراسی موستقیل سوریه آراشدیرما کومیسونونون 16 آوقوست 2013ده درج ائتدیگی راپوروندا؛ عفرین و هاسئکهده پ.ی.د/ی.پ.گ-نین 12 یاشلی قیز و اوغلان اوشاقلاری جرگهلرینه قاتیلدیغی قید ائدیلمیشدیر.
بیرلشمیش میللتلرین سوریه اوشاقلار و سیلاحلی موناقیشهلر آدلی راپوروندا؛ هاسئکه بؤلگهسیندکی یاشلاری 14-17 آراسیندا دییشن اوشاقلارین ترور تشکیلاتی منسوبو اولاراق ییغیلدیغی و گونترول نقطهلرینده، ایسترسه ده چاتیشما ساحهلرینده ایستیفاده ائدیلدیگی بیلدیریلیر.
آمریکانین ژوئن 2016دا ائتدیگی اینسان تیجارتی راپوروندا؛ پ.ی.د/ی.پ.گ ترور تشکیلاتینین 15 یاشا قدر اوشاقلار، او جملهدن اوغلان و قیز اوشاقلارینی تشکیلات منسوبو اولاراق تامین ائتمهیه، ایشلتمهیه و اونلاری تحصیل دوشرگهلرینه آپارماغا داوام ائتدیگی قید ائدیلیب. عینی راپورا گؤره؛ آوریل 2015ده، عفرینده ترور تشکیلاتی طرفیندن 16 یاشیندا بیر قیز اوشاغی عائلهسینین اعتراضلارینا باخمایاراق پ.ی.د/ی.پ.گ طرفیندن قاچیریلمیشدیر.
اینسان حاقلاری ایزلمه تشکیلاتینین 2014-جی ایلده درج ائتدیگی "کورد رهبرلیگی آلتیندا" (Under Kurdish Rule) باشلیقلی راپوردا؛ پ.ی.د/ی.پ.گ-ی.پ.ژ-نین 18 یاش آلتی اوشاقلاری تشکیلاتا عضو ائتدیگی، ساواشدیردیغی قید ائدیلمیشدیر. اینسان حاقلاری ایزلمه تشکیلاتینین 59 اوشاقدان عبارت لیستهیه مالیک اولدوغو و همین اوشاقلاردان 10ونون 15 یاشین آلتیندا اولدوغو ایفاده ائدیلمیشدیر.
ایلگیلیلی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفادهلردن قاچینماسی حیاتی اؤنمه صاحبدیر"