بینا‌لی ییلدیریم: آمریکا ایله پروبلم‌لر اوچون 3لو مکانیزم یارادیلیر
مونیخ امنیت کونفرانسی اوچون گئتدیگی آلمانیا سیاحتی قاییدارکن اوچاق‌دا ژورنالیست‌لرین سوال‌لارینی جوابلان‌دیران باش ناظیر بینا‌لی ییلدیریم، آمریکا ایله کئچیریله‌جک امکداشلیغین آیرینتی‌لارینی آچیقلاییب
آمریکا ایله حلّ اولمایان پروبلم‌لر اوچون حل مکانیزمی یارادیلیر.
مونیخ امنیت کونفرانسی اوچون گئتدیگی آلمانیا سیاحتی قاییدارکن اوچاق‌دا ژورنالیست‌لرین سوال‌لارینی جوابلان‌دیران باش ناظیر بینا‌لی ییلدیریم، آمریکا ایله کئچیریله‌جک امکداشلیغین آیرینتی‌لارینی آچیقلاییب.
بینا‌لی ییلدیریم،
"مکانیزم 3لو اولاجاق. ساوونما ناظیرلری، خاریجی ایشلر ناظیرلری اؤز آرا‌لاریندا، کشفیات تشکیلاتی‌نین رهبرلری ده اؤز آرا‌لاریندا یاخین چالیشا‌جاق‌لار. بو مسئله‌نین آیرینتی‌لارینی، ایلگیلی ناظیرلریمیزله گؤرجگیمیز بیر کووردیناسیون ایچینده بو گؤروشون ماهیتینی ده گؤردوک‌دن سونرا اله آلاجاغیق" دئدی.
یارادیلا‌جاق مکانیزم یالنیز بیر ساحه ایله محدود قالمایاجاق، توم پروبلم‌لرده دؤوره‌یه گیره‌جک.
گئنیش نماینده هیات‌لری قورولماسی‌نین مقصدی‌نین یالنیز سوریه‌دکی بؤلوچو ترور تشکیلاتی پ.ک.ک/ک.ج.ک/پ.ی.د-ی.پ.گ یاپیلانماسی اولمادیغینی ایفاده ائدن ییلدیریم،
"عینی زاماندا آمریکا ایله موناسیبت‌لریمیزین پوزولماسینا سبب اولان مسئله‌لر بیر بوتون حالیندا اله آلینا‌جاق. دئیک کی، بیز سوریه ساحه‌سینده امکداش‌لیق ائتمیشیک، آمریکا، پ.ک.ک/ک.ج.ک/پ.ی.د-ی.پ.گ ایله امکداش‌لیق‌دان ایمتیناع ائتدی، آمریکا ایله علاقه‌لریمیز دوزلمیر کی، باشقا موضوعلاریمیز وار. فتح الله‌چی ترور تشکیلاتی مسئله‌سی وار. هر ایکی اؤلکه‌ده ده آچیلان دعوا‌لار وار" دئدی.
تروریزمله موباریزه‌ده، سوریه‌ده فیرات چایی‌نین شرقی‌نین ده غربی‌نین ده فرقی‌نین اولمادیغینی بیل‌دیرن ییلدیریم،
"بیزیم اورتا و اوزون پرسپکتیوده عراق و سوریه اراضی‌سینده تورکیه‌یه قارشی ترور عملی‌نین وار اولماسینا و یاشاماسینا هئچ واخت گؤزیوممامیز اولماز. بو مسئله‌نین، فیراتین شرقی غربی دئیه بازارلیغی دا اولماز. تهدید دئمک اولار کی، اورادا بیز اولاجاغیق" ایفاده‌لرینی ایستیفاده ائتدی.
باش ناظیره، میللی کشفیات تشکیلاتی و آلمان کشفیاتی بند آراسین‌داکی امکداش‌لیق دا سوروشولوب.
ییلدیریم،
"کشفیات تشکیلات‌لاری آراسیندا معلومات موبادیله‌سی هر زامان وار، اما بعضی واخت‌لاردا چوخ، بعضی واخت‌لاردا آز اولور. بونون پولیس، کشفیات، ساواش و دیگر قوروم‌لار آراسیندا کسیلمه‌سی سؤز موضوعسو دئییل. نه زامان اولور؟ دیپلوماتیک علاقه‌لری کسرسن" قیمتلندیرمه‌سینده اولوب.
آلمانیا باش ناظیری آنگلا مرکل ایله گؤروشونون تفرواط‌لارینا توخونان ییلدیریم، گؤروشمه‌ده فتو عضو‌لری‌نین قایتاریلماسی مسئله‌سی‌نین گوندمه گلدیگینی ایفاده ائتدی.
ییلدیریم،
"اؤزلرینه (مرکل)، "بو و یا دیگر فتو کادرلاری مسئله‌سینده تورکیه‌یه دستک اولسانیز ممنون اولاریق - دئدیک. اصلینده آلمانیا سون زامان‌لار بؤلوچو ترور تشکیلاتی پ.ک.ک-یا قارشی موقعیتینی محکملشدیریب. بو یاخشی بیر اینکیشاف. عینی شئیی فتو ترورچولارینا قارشی دا اینکیشاف ائتمه‌سینی گؤزلییریک" شکلینده دانیشدی.
باش ناظیر ییلدیریم، بؤلوچو ترور تشکیلاتی پ.ک.ک عضو‌لری‌نین تورکیه-آلمانیا علاقه‌لرینی پوزماغا یؤنه‌لیک تلاش ایچینده اولدوق‌لارینی دا بیلدیریب.
