تورکیه و امریکا مودافعه ناظیرلری بروکسل-ده گؤروشه‌جک

امریکانین مودافعه ناظیری جیمز متیس گله‌جک هفته عرضینده تورکیه‌نین مودافعه ناظیری نورالدین جانیکلی ایله گؤروشه‌جک.

بونو ناظر متیس مودافعه ناظیرلیگیندکی مطبوعات اوتاغینی زیارتی زامانی ژورنالیست‌لره دئییب.

تورکیه‌نین منبیچ-‌ده کی پ.ی.د / پ.کا.کا-نین موجودلوغو موضوع سوندا ناراحات‌لیغینا دایر سوال قارشی‌سیندا متیس دئییب کی، منبیچ باره‌ده تورکیه‌نین تضییقینه گؤره هر هانسی دییشیک‌لیک یوخ‌دور. آنکارا‌دان ائشیتدیک‌لریمیز قارشی‌سیندا موختلیف ناراحات‌لیق‌لاریمیز وار، آنجاق ایندیکی هدفیمیز داعشه تضییق ائتمک و داعش علیهینه کامپانیانی داوام ائتدیرمک‌دیر. بو نقطه‌ده دقت‌لرین یایینماسی باره‌ده تشویش‌لریمیز وار.

تورکیه‌نین مشروع ناراحاتلیغی‌نین اولدوغونو دئین متیس ان یوکسک سیاسی سویه‌دن حربی سویه‌ده قدر تورکیه ایله بیرگه آدیم آتدیق‌لارینی ایفاده ائدیب.

"تورکیه ناتو متفیقی‌دیر و سرحدلری داخیلینده ترور تشکیلاتی کیمی قبول ائدیلن پ.کا.کا طرفیندن فعال توققوشمانین اولدوغو یئگانه ناتو اؤلکه‌سی‌دیر. بو موضوع دا تورکیه ایله بیرگه چالیشیریق. اونلارین ساده‌جه پ.کا.ک موضوع سوندا دئییل سوریه سرحدی‌نین اسدین سبب اولدوغو بیر ساواش ساحه‌سینه چئوریلجگینه دایر تشویش‌لری وار. گله‌جک هفته مودافعه ناظیری نورالدین جانیکلی ایله بروکسل-ده گؤروشه‌جه‌یم" -دئیه جیمس متیس وورغولاییب.