عفرین-ده محو ائدیلن تروریست لرین سایی آرتدی
"زیتون دالی" عملیاتیندا 5-جی گون تامام اولدو، ضررسیزلشدیریلن تروریست سایی 287-یه چیخدی.
سوریه-نین عفرین بؤلگهسینده بولوجو ترور تشکیلاتی پ.کا.کا /پ.ی.د ایله داعش-ه قارشی کئچیریلن "زیتون دالی" عملیاتیندا 5-جی گون تامام اولدوقدا، ضررسیزلشدیریلن تروریست سایی 287-یه چیخدی.
تورکیه سلاحلی قوهلری عملیاتدا ضررسیزلشدیریلن تروریست سایی ایله یاناشی وورولان هدفلره دایر ده معلومات یایدی.
آچیقلامادا بیلدیریلیب کی، "زیتون دالی" عملیاتی چرچیوهسینده پ.کا.کا/کا.ج.کا/پ.ی.د-ی.پ.گ و داعش ترور تشکیلاتینا مخصوص 47 هدف هاوا قوهلریمیزه مخصوص 27 اوچاق ایله محو ائدیلدی.
آچیقلامادا آیریجا قئید اولوندو کی، تورکیه سلاحلی قوهلرینین سرحدلریمیزده و بؤلگهده تهلوکهسیزلیک و ثابتلیگی تامین ائتمک مقصدیله سوریه-نین قوزیی –باتی سیندا یئرلشن عفرین بؤلگهسینده پ.کا.کا/کا.ج.کا/پ.ی.د-ی.پ.گ و داعش-ه مخصوص تروریستلری ضررسیزلشدیرمک و دوست و قارداش بؤلگه خالقینی بونلارین تضییق و ظلموندن قورتارماق مقصدیله باشلانان عملیات پلانلاشدیریلدیغی کیمی داوام ائدیر.